Endi elimizde laýazymdy qyzmetkerler men olardyń otbasy músheleriniń qarjylyq operaııalary, tipti satyp alǵan úıleri de tekserilmek. Ol úshin jyljymaıtyn múlik quny 50 mıllıon teńgeden assa jetkilikti dep habarlaıdy "Adyrna" ulttyq portaly "KTK" arnasyna silteme jasap.
Osyndaı ózgerister engizilgen zań jobasyn qazir Májilis qarap jatyr. Buǵan deıingi zańda 200 mıllıon teńgeniń úıin alǵandar ǵana qosymsha tekserilgen. Endi ol soma tórt ese tómendetilip otyr. Óıtkeni zańsyz jolmen tabylǵan qarjy kóbine osy jyljymaıtyn múlik arqyly izin joǵaltady eken. Al laýazymdy qyzmetkerler sanatyna memlekettikten bastap, kvazısektordaǵy basshylardyń bári jatady. Olardan bólek, basshylardyń áıeli, balalary 50 mıllıonnyń úıin alǵan jaǵdaıda aqshanyń zańdy jolmen kelgenin dáleldeýi tıis.
Jalpyǵa birdeı deklaraııalaýdyń birinshi kezeńiniń nátıjesinde 500-ge tarta laýazymdy qyzmetkerdiń 58 eldiń bankterinde shoty bary anyqtalǵan.
Qaltaly sheneýnikterdiń kóbi aqshasyn Reseı, AQSh pen Shveıarııa bankterinde saqtaıdy.
“Aqshamen jáne basqa múlikpen jasalatyn operaııalar boıynsha monıtorıng júrgiziletin adamdar tizimin Prezıdent bekitedi. Qarjylyq monıtorıng agenttigi bul adamdardyń, olardyń otbasy músheleriniń jáne jaqyn týystarynyń jeke tizimin jasaıdy. Iaǵnı elimizdiń sheneýnikteri men olardyń týystary qarjylyq monıtorıng sýbektilerinen tıisti qyzmetterdi alǵannan keıin, sonymen qatar sheteldik memlekettik qyzmetkerlerge qosymsha tekserýden ótedi. Mundaı tizimge memleket jáne úkimet basshylary, Úkimettiń aǵa qyzmetkerleri, sot jáne áskerı qyzmetkerler, kórnekti saıası qaıratkerler, sondaı-aq memlekettik korporaııalardyń basshylary engizilgen. Arasynda saıası partııalardyń qoǵamdyq tulǵalary da bar”, – deıdi QR Májilis depýtaty Sergeı Sımonov.
Aıta ketý kerek, olardyń jaqyn týystarynyń qataryna "Neke jáne otbasy" týraly Kodekske sáıkes, ata-ana, bala, aǵa-ini, apa-sińli, ata, áje, nemere kiredi.
"Adyrna" ulttyq portaly.
