Memleket basshysy Nursultan Nazarbaev Amerıka Qurama Shtattaryna resmı saparynyń qorytyndylary jóninde keńes ótkizdi, - dep habarlaıdy Aqorda.
Keńeske Prezıdent Ákimshiliginiń Basshysy Ádilbek Jaqsybekov, Prezıdenttiń kómekshisi - Qaýipsizdik Keńesiniń hatshysy Vladımır Jumaqanov, Prezıdenttiń kómekshileri Nurlan Onjanov pen Álıhan Smaıylov qatysty.
Memleket basshysy AQSh-qa resmı saparynyń aıasynda ótkizilgen kezdesýlerdi qorytyndylap, qol jetkizilgen ýaǵdalastyqtardy júzege asyrý úshin birqatar naqty tapsyrma berdi.
"Sapar tabysty boldy. Eń bastysy, naqty máseleler boıynsha naqty ýaǵdalastyqtarǵa qol jetkizdik", - dedi Nursultan Nazarbaev.
Sonymen qatar, Qazaqstan Prezıdenti sheteldik kompanııalarmen ekonomıkalyq yntymaqtastyqty nyǵaıtyp, damytý jónindegi mindetterdi iske asyrýdyń mańyzdylyǵyn atap ótti.
tengrinews.kz
