Túrki akademııasy Iýnýs Emre jyralarynyń túrikshe-qazaqsha jańa jınaǵyn tanystyrdy

3224
Adyrna.kz Telegram

28 qyrkúıekte Túrkııa Respýblıkasy Uly Ulttyq Jınalysynyń Tóraǵasy Mustafa Shentop pen Qazaqstan Respýblıkasy Parlamenti Májilisiniń Tóraǵasy Nurlan Nyǵmatýllınnyń qatysýymen Halyqaralyq Túrki akademııasy Iýnýs Emre jyrlarynyń túrikshe-qazaqsha jınaǵyn tanystyrdy.

Alqaly jıynǵa eki spıkermen birge, Túrkistan oblysynyń ákimi Ómirzaq Shókeev, Halyqaralyq Túrki akademııasynyń prezıdenti Darhan Qydyráli, TúrkPA Bas hatshysy Altynbek Mamaıýsýpov, Túrkııa Respýblıkasynyń  Qazaqstandaǵy Tótenshe jáne ókiletti elshisi Ýfýk Ekıdjı, Qazaqstan Respýblıkasynyń  Túrkııadaǵy Tótenshe jáne ókiletti elshisi elshisi Abzal Saparbekuly, Qazaqstan men Túrkııa parlament depýttary, sondaı-aq, baýyrlas elderdiń memleket jáne qoǵam qaıratkerleri, zııaly qaýym ókilderi qatysty.

Saltanaty jıyndy Túrki akademııasynyń basshysy Darhan Qydyráli júrgizdi.

Túrki akademııasy Iýnýs Emre jáne túrik tili jyly aıasynda baspaǵa ázirlegen atalǵan biregeı basylymǵa tanymal qazaq aqyny Svetqalı Nurjannyń ádebı kórkem aýdarmalary túpnusqa mátindermen qatarlastyra berilip otyr. Kitapqa aqyn óleńderiniń buryn jarııalanbaǵan jańa tárjimeleri de endi. Baǵaly basylymnyń lentasyn Túrkııa Uly Ulttyq Májilisiniń tóraǵasy Mustafa Shentop pen Qazaqstan Parlamenti Májilisiniń tóraǵasy Nurlan Nyǵmatýllın kesti.

Tusaýkeser rásiminen keıin sóz alǵan doktor Mustafa Shentop Iýnýs Emre rýhynyń óziniń ustazy Qoja Ahmet Iassaýı jatqan kıeli Túrkistanǵa kelýi sımvolıkalyq máni zor aıtýly oqıǵa ekenin atap ótti.

Óz kezeginde Qazaqstan Respýblıkasy Parlamenti Májilisiniń tóraǵasy Nurlan Nıgmatýllın keleli jıynnyń eki el arasyndaǵy bekem baýyrlastyq nyǵaıyp kele jatqanynyń aıqyn belgisi ekenin aıtty.

Jıyn sońynda mártebeli qonaqtarǵa Akademııanyń baǵaly basylymdardy tartý etildi.

Aıta ketý kerek, bıyl Iýnýs Emreniń dúnıeden ótkenine 700 jyl toldy. Osyǵan oraı Túrkııa Respýblıkasynyń Prezıdenti Rejep Taıyp Erdoǵan 2021  jyldy «Iýnýs Emre jáne túrik tili jyly» dep jarııalady. IýNESKO uıymy kemeńger aqyndy eske alý jylyn jahandyq deńgeıde atap ótýge sheshim qabyldady.

Pikirler