Ózbekstannyń áleýmettik jeli qoldanýshylary arasynda balalar arasynda belgisiz aýrý tarap jatqany jaıly aqparattar jeldeı esýde. Osyǵan baılanysty Tashkent qalasynyń belgili dárigeri mektepter men balabaqshalardy 10 kúndik karantınge jabýǵa shaqyrdy.
Ózbekstannyń Densaýlyq saqtaý mınıstrligi dáriger kásibı etıkany saqtap, aldymen aýrý qaýpi jaıly mınıstrlikke habarlaýy tıis degen oıda. "Eger aqparat ras bolsa biz tıisti sharalardy qabyldar edik" deıdi mınıstrlik. Mınıstrlik balalardyń jıi aýyrýy maýsymdyq kezeńge saı dep otyr.
«Tumaý belgisimen aýrýhanaǵa túsip jatqan balalardyń barlyǵynda maýsymdyq kezeńge baılanysty sýyq tııý desek bolady. Naqty emnen keıin olar 3-4 kúnniń ishinde jazylyp shyǵýda. Sondyqtan mektepter men balabaqshalardy jabýdyń esh qajettiligi joq», - dep habarlady mınıstrliktiń baspasóz qyzmeti.
"Adyrna" ulttyq portaly
