Óskemende belgili jazýshy, dramatýrg Oralhan Bókeıdiń eskertikishi jańartyldy dep habarlaıdy "Adyrna" ulttyq portaly "Habar24-ke" silteme jasap.
Qalamgerdiń osydan 8 jyl buryn ashylǵan músini sapasyz bolýyna baılanysty ádebıet janashyrlary ony qaıta jasaý týraly oı kóterip kelgen edi. Aqyry osy usynys eskerilip, Oralhan Bókeıdiń músini qoladan quıylyp, tuǵyryna qaıta qoıyldy. Jalpy bıiktigi — 4,8 metr. Jeıdesin ıyǵyna ilip, búgingi urpaqqa mańǵazdana qarap turǵan zańǵar jazýshynyń bul músini Semeı qalasynda jasalypty.
«Muztaý», «Qaıdasyń, qasqa qulynym», «Qamshyger» syndy talaı tanymal týyndyny ómirge ákelgen, dúldil tulǵanyń asqaq eskertkishi — óskeleń urpaq úshin úlken tárbıe.
— Keýde músini buryn da bolǵan, kemshiligi músin óte sapasyz istelip edi, sony qaıta jańǵyrtyp jatyr. Ór Altaıdy, tór Altaıdy jyrlaǵan zańǵar jazýshy bolatyn, soǵan óz elinde, óz jerinde mynadaı asqaq keýde músini qoıylyp jatyr. Búgin búkil Shyǵys Qazaqstan úshin úlken mereke, — deıdi aqyn, jýrnalıst Álibek Qańtarbaev.
"Adyrna" ulttyq portaly.
