Qytaıdyń Huawei kompanııasynyń 2021 jyly smartfon shyǵarýdan túsken qarjysy 40 mıllıard dollardy quraıdy dep habarlady kompanııanyń basqarma tóraǵasy Erık Sıýı.
Sıýı smartfondar bóliminiń Huaweige 2020 jyly shamamen 50 mıllıard dollar tabys ákelgenin aıtty. Ol 2021 jyly kompanııanyń osy saladaǵy kirisi 30-40 mıllıard dollarǵa deıin azaıatynyn boljap otyr.
Huawei tóraǵasy kompanııa AQSh úkimetiniń sankııalary jaǵdaıynda jumys jasaýǵa úırenip jatqanyn aıtty. Sonymen birge ol aldaǵy jyldary Huawei smartfon óndirý bıznesine kelgen shyǵyndy qalpyna keltire almaıtynyn moıyndady.
AQSh úkimeti Huaweige 2019 jyly sankııalar salýdy bastady. Qytaılyq kompanııaǵa amerıkandyq kompanııalarmen erkin yntymaqtastyqqa tyıym salynǵan bolatyn. Bul kompanııa úshin úlken soqqy boldy.
"Adyrna" ulttyq portaly
