Kórshi Ózbekstan Ortalyq Azııada birinshi bolyp AES salatyn bolady. Qazaqstannyń Taraz qalasynyń turǵyndary Ózbekstanda birinshi atom elektr stansasynyń qurylysy josparlanyp otyrǵanyna alańdaýshylyq bildirdi, dep habarlaıdy "Adyrna" ulttyq portaly "Atameken Business News-ke" silteme jasap.
Jergilikti turǵyndar Ózbeksannyń bul ıdeıasyna qarsy, olar bul jobany kórshi memlekettermen birlese otyryp salý kerek dep sanaıdy.
Basylym sonymen qatar jergilikti turǵyndardyń áleýmettik saýalnamasyn jarııalady. onda qazaqstandyqtar Chernobyl apatyn eske alyp, balalarynyń densaýlyǵy úshin qorqatynyn aıtqan.
Buǵan qosa, Qazaqstannyń ekologtary jobaǵa shaǵymdanyp jatyr. Olardyń pikirinshe, Ózbekstan AES-ten alynatyn energııanyń qunyn ǵana eskerip otyr, biraq qorshaǵan ortaǵa qatysty problemalardy eskermegen.
"Budan bizge tek zııan keledi. Basqa qandaı paıda bar?"- deıdi Taraz qalasynyń turǵyndary.
"Adyrna" ulttyq portaly
