Elordadan Ystanbulǵa baǵyt alǵan ushaq Atyraý halyqaralyq áýejaıyna shuǵyl qondy, dep habarlaıdy «Adyrna» tilshisi.
Atyraý oblystyq TJD-nyń málimdeýinshe, keshki saǵat toǵyzdar shamasynda «Boeing 76» jolaýshylar ushaǵy tehnıkalyq sebepterge baılanysty qonýǵa májbúr bolǵan.
«Jolaýshylar qonaq úıge ornalastyryldy. Qazirgi tańda tekseris jumystary júrgizilýde. Búgin jergilikti ýaqyt boıynsha saǵat 14.00-de Airbus A321 rezervtik bortymen Stambýlǵa ushý josparlanyp otyr»,– dep jazdy Air Astana baspasóz qyzmeti.
Aıta keteıik, ushaq bortynda 205 jolaýshy, onyń ishinde 5 bala jáne 5 ekıpaj múshesi bolǵan. Zardap shekkender joq.
«Adyrna» ulttyq portaly
