Keıingi 3 jylda Qostanaı oblysynda sport keshenderiniń sany 3 myńǵa jýyqtady. Nátıjesinde óńir turǵyndarynyń 34 proentke jýyǵy buqaralyq sportpen qamtyldy.
Oblys ákimi Arhımed Muhambetov sport ardagerlerimen birge jańadan salynǵan nysandardy aralady.
Óńirdegi sport ardagerleri men qoǵam belsendileri áýeli bolashaq bylǵary qolǵap sheberlerin shynyqtyrý mektebine bardy. Jańa nysan barlyq talaptarǵa saı jasaqtalǵan. Al 2500 kórermenge arnalǵan Muz saraıynyń qurylysy bıyl aıaqtalmaq. Sondaı-aq Qostanaı qalasynda jańadan boı kótergen shaǵyn aýdandardyń mańynan birneshe sport nysandary salynǵan. Soltústik-batys yqsham aýdanyndaǵy 50 metrlik basseınniń de qurylysy bıyl bitip, turǵyndar ıgiligine berilmek.
Nurjan Ermaǵambetov, «Q.Ospanov atyndaǵy №1 balalar-jasóspirimder sport mektebi» KMM basshysy:
– 50 metrlik basseın 10 jolaqtan turady. Sondaı-aq kórermender úshin 300 oryndyq jasaqtalǵan. Qurylys alańy 3700 sharshy metrden asady. Bul olımpıadalyq standarttarǵa sáıkes keledi. Iske qosylǵannan keıin basseın saǵatyna 100 adamdy qabyldaı alady. Odan bólek munda jattyǵý zaly da jumys istemek. Óńirde 32 balalar men jasóspirimder sport mektebi jáne 29 aýla klýby jumys isteıdi. Jalpy, sport sekııalarynda 70 myńnan astam oqýshy jattyǵady, onyń 64 proenti tegin shuǵyldana alady. Sonymen qatar qalanyń jańa shaǵyn aýdandary jattyǵý alańdarymen qamtamasyz etilgen. Qazir óńirdegi jasandy jabyndysy bar 85 sport alańynyń bar bolsa, onyń teń jartysy aýyldy jerlerde ornalasqan.
Arhımed Muhambetov, oblys ákimi:
– Bizdiń negizgi maqsatymyz – jyl saıyn buqaralyq sportty damytyp, turǵyndardyń salaýatty ómir saltyn ustanýyna jaǵdaı jasaý. Búginde 9 myńǵa jýyq sport sekııasynyń jumysy uıymdastyryldy. Oblystyń 150 myńnan astam turǵyny shuǵyldanady. Onyń ishinde aýyldyq jerlerde 80 myńdaı adamdy qamtı otyryp 5 myń sport sekııasy quryldy.
Memleket basshysynyń tapsyrmasy boıynsha, bıyl oblysta memlekettik sporttyq tapsyrys júzege asyp jatyr. Osynyń arqasynda 2 myńnan astam bala tegin sporttyq sabaqtarmen qamtamasyz etiledi. 2025 jylǵa qaraı oblys turǵyndarynyń keminde 45%-in sportpen qamtý josparlanyp otyr.
Avtorlary: Aslanbek Shyǵyr, Jandos Rahmetýllın
