Otandyq ónimge suranys artty

1357
Adyrna.kz Telegram

Qostanaı oblysyndaǵy «Don Mar» zaýytynyń ónimi sharýalardyń talaby men údesinen shyǵyp keledi. Kásiporyn sońǵy jyldary aýyl sharýashylyǵyna qajetti qural-jabdyqtardyń óndirisin eki ese arttyrdy. Otandyq kombaın destelegishteri Qazaqstanda ǵana emes, Reseıde de zor suranysqa ıe.

Lısakov qalasynyń ónimi kórshi eldiń birneshe aımaǵyna jiberiledi. Metall kesýshi Erbolat Myrzaqaevtyń «Don Mar» kompanııasyna kelgenine bıyl on jyl toldy. Sheber ehtaǵy barlyq qurylǵyny bes saýsaǵyndaı biledi. Metall qııý stanogynda bir aýysymda 80-ge jýyq bólshek shyǵarady.

Erbolat Murzaqaev, metall kesýshi:

– Óndiriste jumystyń ońaı túri bolmaıdy. Temir kóterip sharshaısyń. Biraq jalaqysy laıyq. Ujymymyz óte eńbekqor. Osy on jyl ishinde bilgen-túıgenimdi jastarǵa úıretýden jalyqpadym. Tolyq ıkldy kombaın destelegishine qajetti keıbir usaq bólshekter syrttan alynsa, qalǵan bóligi osy zaýytta jasalady. Qazir bir agregattyń otandyq úlesi 65 proentke jetken. Óndiris ornynda 180 adam eńbek etedi. Jumys toqtaýsyz bes ýchaskede ótedi.

Sergeı Bopp, eh bastyǵy:

–Kúnine tórt destelegish shyǵaramyz. Eni 16 metrge deıin jetedi. Oǵan qosa tirkeme de bolady. Nıý Holland, Djon Dır sııaqty kombaındarǵa da destelegishterdi arnaıy tapsyryspen jasaı alamyz.

«Don Mar» zaýyty 20 jyldan astam buryn quryldy. Shyǵarylatyn ónimi zamanaýı. Baǵasy da qoljetimdi. Kásiporyn iske qosylǵaly bes myńnan artyq kombaın oraǵy qurastyryldy. Jaramdylyq merzimi uzaq, sapasy joǵary bolǵandyqtan alǵashqy jasalǵan destelegishterdiń keıbiri áli kúnge deıin alqaptarda paıdalanylady.

Iýlııa Strıgına, «Don Mar» JShS dırektory:

–Bizdiń ónimdi elimizdiń barlyq aımaqtary tutynady. Reseılikter tarapynan da qyzyǵýshylyq joǵary. Sonyń ishinde Saratov, Samara, Orynbor, Barnaýl, Omby qalalarynan kóptep tapsyrys túsedi. Qyrkúıek aıynda elordada mashına jasaýshylar odaǵynyń kezekti forýmy ótedi. Jıynǵa «Don Mar» kompanııasynyń ókilderi de shaqyrtý alǵan. Onda sala ókilderi ózara tájirıbe almasyp, aldaǵy jumys josparyn belgileıdi.

Avtorlary: Danııar Sultanuly, Ermek Muhamedııarov

Pikirler