Mahambet Dosmuhambetov azyq-túlik baǵasyn turaqtandyrý sharalaryn alýdy tapsyrdy

2511
Adyrna.kz Telegram

Atyraý oblysynyń ákimi Mahambet Dosmuhambetovtiń tóraǵalyǵymen ótken jıynda azyq-túlik baǵasyn turaqtandyrý jáne kúzgi jıyn-terim máseleleri qaraldy.

Otyrysta Aýyl sharýashylyǵy basqarmasynyń basshysy Amangeldi Salamat apta saıyn áleýmettik mańyzy bar azyq-túlik taýarlary baǵalaryna jáne qoryna monıtorıng júrgizilýde ekenin aıtyp ótti. Sonyń ishinde, nan baǵasyna da toqtaldy.

«Áleýmettik nan jáne 1-surypty un baǵasyn turaqty ustaý baǵytyndaǵy úsh jaqty Memorandýmǵa sáıkes, óńirimizge bólingen 16000 tonna bıdaıdyń, oblysqa un tartý mekemesi "Karat" jaýapkershiligi shekteýli seriktestigi arqyly 10000 tonnasy tasymaldandy. Memorandým negizinde áleýmettik nan baǵasy 90 teńge, 1-surypty un baǵasy 145 teńgeden satylýda»,-dedi ol.

Sondaı-aq, jergilikti aýylsharýashylyǵy taýar óndirýshilerge ózderiniń ónimderin halyqqa qol jetimdi baǵamen usynýy maqsatynda 227 tegin saýda núkteleri berilgeni de aıtyldy.

A.Salamattyń sózinshe, áleýmettik mańyzy bar azyq-túlik taýarlarynyń baǵasyn turaqty ustaý maqsatynda kúni búginge deıin kásipkerler, taýar óndirýshiler jáne iri saýda oryndary arasynda 207 Memorandým jasaqtalǵan.


Sonymen qatar, jıynda oblystaǵy kúzgi jıyn-terim máselesi de qozǵaldy. Aýylsharýashylyǵy basqarmasy basshysynyń málimetinshe, oblys boıynsha bıyl egistiktiń jalpy kólemi 9 469 gektardy qurasa, qazirgi kezde barlyǵy 6 292 gektar egin alqaptary jınalyp, jalpy jumystyń 66,4% oryndalǵan.

Jıyn sońynda aımaq basshysy Mahambet Dosmuhambetov apta saıyn ótetin azyq-túlik jármenkeleriniń sanyn arttyrý arqyly halyqqa usynylatyn áleýmettik mańyzy bar taýarlardyń baǵasyn turaqtandyrý qajettigin eskertti. Sondaı-aq, kúzgi egin jınaý jumystaryn merziminde aıaqtaýdy tapsyrdy.

Aıta keteıik, ónim jınaý jumystary qazan aıynyń aıaǵyna deıin jalǵaspaq.

Pikirler