Qazaqstandyq taekvondoshy Jansel Denız Túrkııada halyqaralyq týrnırde top jardy, dep habarlaıdy «Adyrna» tilshisi Olympic.kz-ke silteme jasap.
Túrkııanyń Stambýl qalasynda taekvondodan reıtıngtik "WT President's Cup Europe" jarysy ótti. Atalǵan básekede Qazaqstan quramasynyń qorjyny qos júldemen tolyqty.
Áıelder arasynda 73 kelide synǵa túsken Jansel Denız óz salmaq dárejesinde qarsylas shaq keltirmeı, jarys jeńimpazy atandy. Al erler arasynda baq synaǵan Samırhan Áýbakirov 54 keli salmaq dárejesinde qola júldeni qorjynǵa saldy.
Aıta keterligi, atalǵan týrnır Jansel Denızdiń Tokıo Olımpıadasynan keıingi alǵashqy dodasy.
«Adyrna» ulttyq portaly
