Prıma-qobyzshylar baıqaýy ótti!

4266
Adyrna.kz Telegram

Táýelsizdik – baǵa jetpes qundylyq. Tar jol, taıǵaq keshý kezinde ǵumyryn báıgege tikken ultjandy azamattar jeterlik. Al Jeltoqsan oqıǵasy – táýelsizdiktiń bastaýy.

Almaty qalasy Mádenıet basqarmasynyń qoldaýymen, «Jeltoqsan –1986. Táýelsizdik qyrandary» qoǵamdyq birlestiginiń jáne «Alataý» dástúrli óner teatrynyń uıymdastyrýymen Táýelsizdiktiń 30 jyldyǵyna, sondaı-aq Jeltoqsan oqıǵasynyń 35 jyldyǵyna oraı «Qobyz saryny» atty respýblıkalyq 18 jasqa deıingi prıma-qobyzshylar baıqaýy ótti.

Respýblıkalyq onlaın baıqaýynyń 1-shi kezeńinen 12 qatysýshy iriktelip alyndy. Irikteýden ótken 12 qatysýshy «Alataý» dástúrli óner teatrynyń sahnasynda offlaın túrde saıysqa tústi.

Baıqaý sharttaryna sáıkes qatysýshylar ulttyq jáne álem klassıkasynan bir-bir shyǵarmadan oryndaýlary tıis boldy. Jeńimpazdar ádilqazylar alqasy arqyly anyqtaldy.

Bas júlde – Janahmetova Baıan (500 000 teńge)
Birinshi oryn –Nuratdınova Janel (300 000)
Ekinshi oryn – Stanpolova Alýa (200 000)
Úshinshi oryn –Beskempir Arýjan (150 000)

Qobyz – kóneden kele jatqan qazaq halqynyń ǵajaıyp sazdy, baı tembrli aspaby. Qazaqy syrly ulttyq aspaptarymyzdy dáripteý – urpaq paryzy!

Foto sýretter avtory: Ánýarbek Dosmalov

Qýanysh Jumabekuly
«Alataý» dástúrli óner teatry
Ádebıet bóliminiń basshysy

Pikirler