Qazaqstannyń reseılik Sbermen kelisimi qoǵamda úlken daý týyndatýda. Úkimetke qarapaıym halyq ta, partııa ókilderi de túrli saýaldar joldaýda. QR Premer-Mınıstri A.U. Mamınge Májilistegi “Aq jol” demokratııalyq partııasy frakııasy atynan Májilis depýtaty Maqsat Ramanqulov Reseı Sberbankimen ıfrlyq úkimet platformasyn qurý týraly kelisimi jóninde depýtattyq saýal joldady. Atalmysh saýaldy ózgertpesten nazarlaryńyzǵa usynamyz.
QR Premer-Mınıstri
A.U.Mamınge
Qurmetti Asqar Uzaqpaıuly!
Qazaqstan Úkimetiniń Reseı Sberbankimen ıfrlyq úkimet platformasyn qurý týraly kelisimi qoǵamda úlken daý týdyrdy.
«Aq jol» demokratııalyq partııasynyń frakııasy ótken jyldary jekelegen mınıstrlikterdiń, jalpy alǵanda ıfrlyq damý máselesiniń aqparattyq júıeler jumysyndaǵy sátsizdikterin birneshe ret synǵa alǵan edi.
Qoldanystaǵy platformalardyń qabiletsizdigi ásirese ótken jyldyń kókteminde pandemııa bastalǵan soń densaýlyq saqtaý, áleýmettik qamsyzdandyrý, bilim berý, salyq salý, aýyl sharýashylyǵy jáne basqa da kóptegen elektrondyq qyzmetterdiń kemshilikteri aıqyn boldy.
Sol kezdiń ózinde memlekettiń jyldar boıy ıfrlandyrýǵa bólingen mıllıardtaǵan qarjynyń tıimsiz paıdalanylýy anyqtaldy.
Memlekettik organdar men jaýapty tulǵalardyń jaǵdaıdy túzetý boıynsha jasaǵan áreketteri tıisti nátıje bermedi. Tipti, platformalardyń odan ári alystaýyna, ony azamattar men bıznestiń paıdalanýynyń kúrdelenýine alyp keldi.
Al qazirgi zamanaýı tehnologııalar men jańa álemdik jaǵdaılardy eskere otyryp, Qazaqstan úshin memlekettik qyzmetterdi ıfrlyq damytýda artta qalý problemasy jyl ótken saıyn ótkir bolyp tur. Sondyqtan barlyq memlekettik organdardyń IT-júıelerin biryńǵaı platformaǵa keltirý, zamanǵa saı jańǵyrtý qajettigi shynymen de júıeli problemaǵa aınaldy.
Degenmen, birqatar máseleler ashyq kúıinde qalyp otyr.
1) Birinshiden. Atalǵan kelisimdi ótken jyldary ıfrlandyrý baǵdarlamalaryna bıýdjetten bólingen qarjynyń tıimsiz jumsalǵanyn moıyndaý dep baǵalaýǵa bola ma?
Eger solaı bolsa, onda ótken jyldary memlekettiń naqty qansha qarjysy memlekettik qyzmet kórsetýdi ıfrlandyrýǵa jumsaldy jáne onyń tıimsiz jumsalǵany úshin jaýapkershilik kimniń moınynda?
2) Ekinshiden. Osy Kelisimdi daıyndaý kezinde otandyq nemese eń myqty halyqaralyq IT-kompanııalardyń múmkindikteri eskerildi me? Ony daıyndaý barysy ashyqtyq pen adal básekelestikke qanshalyqty saı boldy?
3) Úshinshiden. Kelisimdi iske asyrý barysynda aqparattyq qaýipsizdik múddeleri qalaı qorǵalady?
Osyǵan baılanysty buqaralyq baspasózde jarııalanǵan ıfrlyq damý jáne aeroǵarysh ónerkásibi mınıstriniń túsindirmeleri jurtshylyqty qanaǵattandyrmaıdy, kerisinshe odan da kóp suraqtar týyndatady. Onyń sebebi serverlerdi Qazaqstanda ornalastyrýda ǵana emes, olarda saqtalatyn aqparatqa bóten tulǵalardyń qoljetimdiligin shekteýdiń tehnologııalyq múmkindigi bar ma degen másele.
Jıyrma birinshi aqparat ǵasyrynda IT qaýipsizdigi bizdiń elimizdiń Táýelsizdiginiń mańyzdy faktory dep sanaımyz.
Jaýaptardy zańda belgilengen merzimde berýlerińizdi suraımyz.
Qurmetpen, «Aq jol» frakııasynyń depýtattary
"Adyrna" ulttyq portaly
