Aqtóbe oblysynda "Aýyl — el besigi" baǵdarlamasy qarqyndy júzege asyrylýda

2003
Adyrna.kz Telegram
Aqtóbe oblysynyń Qobda aýdanyna "Aýyl — el besigi" baǵdarlamasy aıasynda birqatar jobalar júzege asyrylýda. Aýdanǵa jumys saparymen barǵan oblys ákimi Ońdasyn Orazalın jobalarmen tanysyp, Álııa aýylynda salynǵan kommýnaldyq turǵyn úıdi aralady dep habarlaıdy "Adyrna" ulttyq portaly.
Qurylysty jergilikti bıýdjet qarjylandyrdy. Qonys toıyn toılaýshylardyń biri Bulaq jáne Taldysaı aýyldyq okrýgteriniń ýchaskelik polıııa ınspektory Narıman Ýlıanov boldy.
"Óte jaıly úı. Buǵan deıin óz baspanamyz bolǵan joq. Áıelim, eki balammen birge 3 páter aýystyryppyz. Endi páterden shyǵaryp jiberýi múmkin degen oılar meni mazalamaıdy. Qyzmettik turǵyn úı - men jáne áriptesterim úshin úlken qoldaý jáne yntalandyrý", - dep atap ótti polıeı.
Aýdan ákimi Bolat Qulovtyń aıtýynsha, aýylǵa qajetti mamandar úshin mundaı úıler barlyq aýyldyq okrýgterde kezekpen salynady.
"Bıyl bastaýyn alǵan qurylys, kelesi jyly Ótekte, Qyzyljarda jáne odan ári basqa aýyldarda jalǵasýy josparlanǵan", - dep habarlady aýdan ákimi.
Ońdasyn Orazalın Álııa aýylynda kúrdeli jóndeý jumystary júrgizilip jatqan mektepti aralap kórdi. Ǵımarat "Aýyl — el besigi" baǵdarlamasy aıasynda túbegeıli jańartylýda. 1974 jyly salynǵan, jalpy aýdany 2300 sharshy metrge jýyq mektepte edender, terezeler, shatyrlar, ınjenerlik jeliler aýystyryldy. Qasbetti jáne oǵan irgeles aýmaqty retke keltirilýde.
Oblys ákimi barlyq jumystardy qazan aıynyń ortasynan keshiktirmeı aıaqtaýdy tapsyrdy, osylaısha ekinshi toqsanda tolyqqandy oqý proesi bastalady.
Aımaq basshysy Bulaq aýylynda Qobda aýdanynyń týmasy, Keńes Odaǵynyń Batyry Álııa Nurmuhambetqyzy Moldaǵulovaǵa arnalǵan jańa murajaıdyń ashylý rásimine qatysty.
Sonymen qatar, oblys ákimi Taldysaı aýylynan ońtústikke qaraı 12 shaqyrym jerde ornalasqan Abat-Baıtaq kesenesin, Respýblıkalyq mańyzy bar eskertkishti abattandyrý jumystaryn kórdi. HIV-XV ǵasyrlarǵa jatatyn tarıhı eskertkishtiń aýmaǵyn abattandyrý boıynsha aǵymdaǵy jylǵa josparlanǵan is-sharalar is júzinde aıaqtaldy.
Óńir basshysynyń tapsyrmasy boıynsha qazan aıynyń ortasynda I.Biltabanov atyndaǵy aýyldyń mádenıet úıine kúrdeli jóndeý aıaqtalýy tıis. Merdiger obektidegi jumystarǵa tamyz aıynda kiristi.  "Aýyl — el besigi" baǵdarlamasy boıynsha kúrdeli jóndeý aıasynda tereze bloktaryn aýystyrdy, qasbetin jańartty jáne t. b.
Aýylda qazirgi ýaqytta jańa dárigerlik ambýlatorııa salynyp jatyr. Osy jyldyń qazan aıynda medıına qyzmetkerleri aýyl turǵyndaryn medıınalyq qyzmet kórsetý standarttaryna sáıkes keletin keń ári jaryq ǵımaratta qabyldaıtyn bolady. Ambýlatorııanyń josparly múmkindigi - aýysymyna 30 adam.
         
Óńir basshysy Terisaqqan aýylynda da boldy, onda 60 oryndyq mekteptiń qurylysy belsendi júrgizilýde. Mektep ǵımaratynyń jalpy aýdany 1200 sharshy metrden asady. Nysan aǵymdaǵy jyldyń jeltoqsan aıynda paıdalanýǵa beriledi dep kútilýde.
Jumys saparynyń qorytyndysy boıynsha oblys ákimi Qobda aýdanynyń áleýmettik ınfraqurylymyn odan ári damytý jóninde birqatar tapsyrmalar berdi.
"Adyrna" ulttyq portaly.
Pikirler