Almaty oblysynyń Avat aýylynda 46 jastaǵy mektep dırektorynyń asylyp turǵan denesi óz úıiniń qorasynan tabyldy, dep habarlaıdy "Adyrna" ulttyq portaly.
Qaıǵyly oqıǵaǵa qatysty sotqa deıingi tergeý jumystary bastaldy. Bilim ordasyndaǵy kıkiljińder adam ólimine ákelýi múmkin degen boljamdar aıtyldy.
Marqum Azızjan Daraev 2011 jyldan beri G. Sadvakasov atyndaǵy mektepte jumys istegen. Úsh balasy bar. “Ekpress K” basylymy aýyl turǵyndary mektep dırektorynyń parasatty adam bolǵanyn aıtyp ólim sebepterin jiti tekserýdi talap etetinderin málimdedi.
“Qol astyndaǵy qyzmetkeri men mektep dırektorynyń arasynda janjal bolǵan. Mektepte quıtyrqy áreketterge barǵan úshin pedagog jumystan shyǵarylǵan. Dese de, álgi qyzmetker sot arqyly qaıta oralyp, dırektorǵa qoqan-loqqy kórsetken. Sottyń barlyq ınstanııalary arqyly shaǵym túsirgen”, – delingen jazbada.
Aıta keteıik, qazirgi tańda mektep dırektorynyń ólimine qatysty qylmystyq is qozǵalyp tergeý amaldary júrgizilýde. Marqumnyń mundaı áreketke ne sebepti barǵany anyqtalýda.
"Adyrna" ulttyq portaly
