Shyǵys Qazaqstanda medıınalyq oqý ornynyń stýdentteri túsirgen vıdeodan daý shyqty, - dep habarlaıdy ”Adyrna” ulttyq portaly "Astana" telearnasyna silteme jasap.
Qaznette bolashaq akýsherler (birinshi kýrs stýdentteri ekeni aıtylady) mýlıaj arqyly bala bosandyrady. Qyzdar kúlip, bul proesti durys ótkizbegen. Avtor vıdeonyń daýysyn alyp tastaǵan, biraq bul jaǵymsyz pikir jazýdan qutqarmady.
Jeli qoldanýshylary olardyń bul áreketin synap tastady. Kóbi tipti stýdentterdi oqý ornynan shyǵaryp tastaý kerek deıdi. Alaıda olardy tabý múmkin bolmaı otyr. Shyǵys Qazaqstandaǵy eki medıınalyq JOO men medkolledj mundaı oqýshylary joǵyn aıtypty.
"Óz mamandyǵyna osylaı qaraıtyn stýdentter qaıda oqıtyny bizge de qyzyq. Etıka men estetıka atymen joq. Bul bizdiń aýdıtorııa emes, bizdiń stýdentter emes. Bizge qatysy joq, qaı kolledj ekenin ózimiz de bilgimiz kelip otyr", - dep málimdedi Óskemendegi medkolledj dırektorynyń tárbıe isi jónindegi orynbasary Baýyrjan Muratbekuly.
Al quqyqqorǵaýshylar birinshi kýrs stýdentterin qorǵap shyqty. Olardyń paıymynsha qoǵamda negatıvti medıınaǵa senbeýge pandemııa ýaqytyndaǵy jaǵdaı sebep bolǵan, al bul vıdeo ashýlandyrmaǵan.
"Internet-tazalyq bolýy kerek. Halyq bular bala ekenin túsinýi kerek. Bárimiz jas boldyq. Internetke ne salatynyńdy oılaýyń kerek. Bul adam taǵdyryna jaǵymsyz áser etýi múmkin. Stýdent qurmetsizdik kórsetti me? Joq, munda túsinbeýshilik", - deıdi quqyqqorǵaýshy Indıra Kakımova.
Onyń aıtýynsha, stýdenttermen áńgimelesý sharasyn júrgizse jetkilikti.
