Reseı "taıaý jyldar ishinde" Estonııaǵa shabýyl jasaıdy. Bul týraly Estonııa qorǵanys kúshteriniń qolbasshysy general-leıtenant Martın Gerem ETV arnasynda bergen suhbatynda habarlady.
Reseıdiń yqtımal qaýpin talqylaı otyryp, Herem shabýyldy joqqa shyǵarýǵa bolmaıtynyn jáne oǵan múmkindiginshe daıyn bolý kerektigin aıtty.
"Biz Reseıdiń qaýip tóndiretinin, shabýyl jasaı alatynyn aıtamyz. Biraq qashan? Bıyl, kelesi jyly, úsh jyl ishinde? Biz bul aldaǵy birneshe jyldyń ishinde oryn alýy múmkin ekenin túsinýimiz kerek. Biz kelesi jyldarda bolatyn qaýipterge qarsy resýrstar bólýimiz kerek pe, álde 2030 jylǵa deıin ýaqytymyz bar ma, ol sol kezde ǵana shabýyl jasaıdy dep otyramyz ba? Men bolashaqta nemese bes-alty jyldan keıin bolatyn qaýipke emes, men áskerdi búgin bolýy múmkin soǵysqa daıyndaýym kerek. Múmkin Reseıdiń maqsaty bizdi basyp alý emes, turaqsyzdyq jasap, sol arqyly basqaryp otyrý bolar. Bul Grýzııadaǵy, Ýkraınadaǵy, Moldovadaǵy sııaqty turaqsyzdyq bola ma, álde basqa formatta órbı me, ol jaǵy jumbaq. Bul úshin Tallındi basyp alýdyń qajeti joq. Ol úshin gıbrıdti soǵystyń basqa elementteri buryn da, keıin de jáne sol ýaqytta da qoldaý alatyn áskerı kúshterdiń qysqa, shekteýli shabýylyn jasaýy múmkin", - dedi ol.
Baltyq elderi Reseıdiń agressııasy shynaıy jáne jaqyn jyldary bolady dep sanaıdy. Sońǵy bes jylda olar qorǵanys salasyna bóletin qarjyny úsh esege arttyrǵan.
"Adyrna" ulttyq portaly
