Qaratal aýdanynda aýyl sharýashylyǵy salasy boıynsha 7 aılyq kórsetkish aýyz toltyrarlyq. Osy ýaqytqa deıingi túsken paıda 10 mlrd. 581,5 mln. teńgeni quraıdy. Jalpy kólem ındeksi-102,6%. Al, aýdanynda aýyl sharýashylyǵy salasyna tartylǵan ınvestıııa kólemi 709 mln. 170 myń teńgege jetip jyǵylady. Bul týraly Qaratal aýdanynda ótken kóshpeli baspasóz-máslıhatynda málim boldy.
Qazirgi kezde aımaqta aýyl sharýashylyǵy daqyldary jınalý ústinde. Dıqandardyń eńbegi aqtalyp, jınalǵan ónimniń kólemi kóz qýantady. Tarqatar bolsaq, 2572 gektar jerden ónimdiligi 14,2 /ga bolatyn arpa jınaldy, nátıjesinde jalpy túsim 3562,2 tonnaǵa jetti. Al jazdyq bıdaı 788 ga jerge egilgen bolatyn, qarataldyq sharýalar tolyqtaı oryp aldy. Búgingi kúnge ónimdiligi 13,1 /ga quraıtyn 1032,2 tonna astyq jınaldy.
Erte kóktemde úshtóbe jerinde 1120 ga aýmaqqa kartop ónimi sebilgen bolatyn, qazirge 1000 gektardan 21 900 tonna ónim jınaldy. Kókeniske keler bolsaq, 1854 ga alqap bólinip berilgen edi. Onyń 1450 gektarynan 47 850 tona kókenis jınap alyndy. Al baqsha daqyldarynan 18 533,5 tonna daqyl alyndy.
Aıta ketý kerek, aýdanda tátti túbir ósirýge bas mán bergen. 2015 jyly aýdanda qyzylsha alqaby 560 gektardy qursa, búgingi kúni 14 00 geatrǵa jetip otyr. Iaǵnı, alqap kólemi 2,5 esege artqan.
Aýdan áleýetiániń negizgi kepili bolǵan aýyl sharýashylyǵy baǵytynda ter tógip júrgen «Opytnoe» óndiristik kooperatıvi aýdanda tuqym sharýashylyǵymen aınalysatyn jalǵyz sharýashylyq ekenin atap ótken jón. Munda elıtalyq kúrish tuqymdaryn sorttary: «Opytnoe», «Zarıa», «Sýag», «Pak-Lı», «Ýshtobınskıı» ósiriledi.
Al, aımaqtaǵy «Nam.L» «Rem.S» «Kım.A» «An.V» «Jahan», JShS «Altyn Qazyna» sharýa qojalyqtary sýdy únemdeý tehnologııasy boıynsha 400 ga sýǵarmaly jer telimderiniń, 200 ga jańbyrlatyp sýǵarý jáne 200 ga jer telimderin tamshylatyp sýǵarý tásilimen jumys isteıdi. Qajyrly eńbektiń nátıjesinde alynatyn ókim kólemi 3-4 esege artyp otyr.
Aýdandaǵy mal sharýashylyǵy baǵyta kele bolsaq, basy jańalyqtardyń biri quny 125 mln. 838 myń teńge bolatyn sútti-etti baǵyttaǵy býaz qunajyndardy jersińdirý. Atalǵan qunajyn Germanııadan alyp kelingen. Jalpy sany 96 basty quraıdy. Asyl tuqymdy mundaı qunajyndardy «TastobeAgroFýd» JShS alyp kelgen.
«Koktal Jarkent» JShS bolsa, 89 bas urǵashy tanalardy 8 mln.074 myń.t. satyp alǵan. Bul da aýdandaǵy mal sharýashylyǵyna túser paıdany arttyrýǵa jasalǵan jumystardyń biri.
Búgingi kúni, Aýdan boıynsha 1202 aýyl sharýashylyǵy tehnıka tirkelgen, onyń ishinde traktor 744, kombaın 88, tirkemeler 255, jol qurylysyna arnalǵan tehnıka 115 dana bar.
Aýdan boıynsha aýylsharýashylyǵy jeriniń kólemi 380 myń 382 gektar. Onyń 21 myń 601 ga sýarmaly egistik, 352 myń 401 ga jaıylymdyq, 1 188 ga shabyndyq jerler, 42 ga kóp jyldyq ekpelerge jatady
