Bügınde sot jüiesınıŋ käsıbi terminderın qazaq tılıne audaruda älı de bolsyn kürdelı mäseleler bar. Äsırese memlekettık tılde jürgızılgen ıstı keibır proseske qatysuşy azamattar mülde tüsınbei jatady. Osyndai jaǧdai bolmauy üşın Qaraǧandy oblystyq soty tıl basqarmasymen bırlesıp, sot jüiesınıŋ qyzmetkerlerıne arnalǧan oqulyq şyǧardy dep habarlaidy "Adyrna" ūlttyq portaly "Habar 24-ke" sılteme jasap.
120 akademiialyq saǧattan tūratyn kıtapta sot jüiesınıŋ käsıbi terminderı barynşa tüsınıktı etıp audarylǧan. Aldaǧy uaqytta sudialar osy ädısteme boiynşa bılımın jetıldıredı. Keiın oqudy qanşalyqty igergenın bılu üşın emtihan tapsyrady.Atap ötken jön, käsıbi salaǧa beiımdelgen tūŋǧyş oqulyq özge de oblystyŋ sot qyzmetkerlerı men tılder basqarmalaryna jıberıledı. – Būl kıtaptyŋ maqsaty – sot salasyndaǧy qymetkerlerdıŋ qarapaiym deŋgeide oqyp, tyŋdap, jazyp tüsınu daǧdylaryn qalyptastyruǧa negızdeldı. Jalpy būl kıtapty jazuda sarapşy sudialar bızge köp kömek körsettı dese bolady. Jalpy, būl kıtapty bastamas būryn 8 ai kölemınde sot salasyndaǧy terminderdı, barlyq ıs jürgızu aktılerınıŋ ülgılerın qarap, sot otyrysynyŋ hattamalary, qylmystyq ıs, azamattyq ıs jürgızudı qarap, zerdelep baryp kıtap jazuǧa aralastyq, — deidı tılderdı oqytu ortalyǧynyŋ ädıskerı Munira Aǧymbaeva.
"Adyrna" ūlttyq portaly.
