Äsel Saǧatova kinoprodiuserlıkke bet būrmaq

Biyl memlekettık qarjylyq qoldaudan ümıttı kinojobalardyŋ aşyq qorǧauyna «Qazaqfilm» kinostudiiasynyŋ 42 jobasy jıberıldı, dep habarlaidy «Adyrna» tılşısı.

«Būl joly kinostudiia el Prezidentı Qasym-Jomart Toqaevtyŋ taiaudaǧy Joldauyn negızge ala otyryp, özın türlı janrda synap köretın jas rejisserlerge senım artty. Postapokaliptikalyq kiberpankterden psihologiialyq trillerlerge deiın. Janr, stil jäne oqiǧalardyŋ aluan türlılıgı Saraptama keŋesınıŋ müşelerın taŋ qaldyrdy»,— dep mälımdedı Ūlttyq kinony qoldau memlekettık ortalyǧynyŋ baspasöz qyzmetı.

Kinoprodiuser retınde özın synap köruge bel buǧan tanymal aktrisa Äsel Saǧatova ekı qyzyqty jobany tanystyrdy. Bırınşısı – fentezi stilındegı kiberpank, referens retınde Marvel studiiasynyŋ «Djessika Djons» atty tanymal serialyn alǧan. Būl kartina arqyly otandyq kinoda alǧaşqy superqaharman äiel beinesı paida bolady. Avtorlar film rejisserı retınde Jasūlan Poşanovty köredı. Ekınşısı – «eles qala» turaly mistikalyq triller. Negızgı lokasiia retınde Arqalyq qalasy ūsynylǧan. Ä.Saǧatovanyŋ aituynşa, ol qalada mūndai jobany tüsıruge arnalǧan, ürei tuǧyzatyn jerler köp. «Deti voiny» jobasynyŋ tizerın ūsynǧan rejisser Farhat Şärıpov öz prezentasiiasynyŋ auqymdylyǧymen jäne daiyndyǧymen jaqsy äser qaldyrdy. Sondai-aq, äskeri drama janrynda Keŋes Odaǧynyŋ ekı märte batyry, ūşqyş Talǧat Bigeldinov turaly «Şturmovik 13» kartinasy ūsynyldy. Degenmen, Saraptama keŋesınıŋ müşelerı būl jobany älı de pysyqtau qajet dep sanaidy. Sonymen qatar, Saraptama keŋesı jas rejisser Rasul Şarafeddinovke «Otdel» filmınen telearnalarǧa arnalǧan köp seriialy serialdy jasaudy ūsyndy. Būl keŋse qyzmetkerlerınıŋ kündelıktı ömırı turaly film jäne avtorlar referens retınde äigılı «Ofis» serialy men «Garaj» filmın atap öttı. Köptegen jobalar psihologiialyq triller men otbasylyq drama janrlarynda ūsynyldy. Būl taqyryp bızdıŋ kinematografisterdı qatty tolǧandyratyny anyq körındı.

«Adyrna» ūlttyq portaly