Túrkistan polıeıleri turǵyndarǵa páter alyp beremin dep 15 mıllıon teńge shyǵyn keltirgen alaıaqty ustady, dep habarlaıdy «Adyrna» tilshisi Polisia.kz-ke silteme jasap.
Kentaý qalalyq polıııa bólimine jergilikti turǵyn aryzdanyp kelgen. Aryzdanýshynyń aıtýynsha, buryn sońdy tanys emes er adam Shymkent qalasynan úı alyp beremin dep 2 500 000 teńgesin qolma-qol bergenin, alaıda aradaǵy ýáde oryndalmaǵanyn aıtyp jetkizgen. Jalpy jábirlenýshilerge keltirilgen shyǵynnyń kólemi 15 mıllıon teńgeni qurady.
«Aryzdy polıeıler QR QK-niń 190-baby (Alaıaqtyq) boıynsha tirkedi. Tártip saqshylarynyń atqarǵan jedel sharalary nátıjesinde, nebary táýlik ishinde alaıaqtyq jaıtyna qatysy bar Túrkistan qalasynyń turǵyny ustaldy. Ol jumyssyz júrgen, buryn sońdy osyndaı alaıaqtyq jaıtyna qatysy bar azamat bolyp shyqty. Atqarylǵan jumystar barysynda anyqtalǵandaı, kúdikti er azamat óz aram oıyn iske asyrý úshin Kentaý qalasynyń turǵynyn jolyqtyryp, Shymkent qalasynan úı alyp beremin degen jalǵan ýádesimen senimine kirip, aqshasyn alyp alady. Osydan soń ýáde oryndalmaı, ne aqsha qaıtarylmaı 1 jyl boıy jábirlenýshini áýre-sarsańǵa salǵan»,– delingen habarlamada.
Sondaı-aq kentaýlyq polıeıler kúdikti azamattyń 13 turǵynnan alaıaqtyq jolmen aqsha alǵanyn anyqtady. Qazirgi ýaqytta orta jastaǵy azamatqa qatysty sotqa deıingi tergeý amaldary júrgizilýde.
«Adyrna» ulttyq portaly
