Oblys ákimi Mahambet Dosmuhambetovtiń tóraǵalyǵymen jıyn ótkizilip, óńirdegi halyq sanaǵyna qatysty jumystar pysyqtaldy.
Bıylǵy ulttyq sanaǵy aǵymdaǵy jyldyń 1 qyrkúıegi men 15 qazan aralyǵynda ınternet jelisi arqyly onlaın rejımde jáne 1-30 qazanda planshetterdi qoldana otyryp, aralaý arqyly ótkizý josparlanýda. Qazirgi tańda bul jumystar aıasynda oblysta arnaıy komıssııa qurylyp, bekitilgen josparǵa sáıkes tıisti jumystar uıymdastyrylýda.
QR Strategııalyq josparlaý jáne reformalar agenttigi Ulttyq statıstıka bıýrosynyń Atyraý oblysy boıynsha departamentiniń basshysy Galıa Muhanǵalıevanyń sózinshe, halyq sanaǵynyń daıyndyq kezeńi osy jyldyń 1-30 maýsym aralyǵynda ótkizilgen. Bul jumysqa oblys boıynsha barlyǵy 170 adam tartylǵan. Olar turǵyn úılerdiń, ǵımarattar men turǵyn emes úı-jaılardyń tizimin jasaqtap, turǵyndardyń sanyn naqtylaǵan.
«Ulttyq statıstıka bıýrosynyń «Aýdandastyrý» avtomattandyrylǵan jumys orny aqparattyq júıesine oblys boıynsha 176 389 obekt engizilgen bolatyn. Aralaý jumystary qorytyndysynda oblys boıynsha 175 641 obekt anyqtaldy nemese josparly obektilerdiń 99,6%-y qamtyldy. Qate obektilerdiń sany 2 178 birlikti qurady.
Atyraý oblysy boıynsha 149 negizgi tirkeý ýchaskelerinen bólek arnaıy uıymdarda barlyǵy 139 obekt qalyptastyryldy. Olarda turaqty turatyndardyń sany 2 877 adamdy jáne 11 369 birlik tósek-oryndy qurady»,-dedi ol. Osylaısha anyqtalǵan obektilerdegi turǵyndardyń sany arnaıy uıymdarda turaqty turatyndardyń sanyn qosa 664 493 adamdy qamtyp otyr.
Departament basshysy daıyndyq kezeńin ótkizý kezinde týyndaǵan problemalyq máselelerdi de atap ótti. Iaǵnı, sanaq personalynyń jaýapsyzdyǵy men nemquraılyǵy, kóshe ataýlary men úı nómirleri ilingen anshlagtardyń joqtyǵy qıyndyq týǵyzǵan. Sondaı-aq, Atyraý oblysynyń sáýlet jáne qala qurylysy basqarmasymen usynylǵan oblystyń eldi mekenderiniń shemalyq kartalarynda keıbir obektilerdiń belgilenbeýi, kóptegen úı sharýashylyqtarynyń sanaqtan beıhabar bolýlary da jumysqa keri áserin tıgizgen.
Sonymen qatar, Galıa Muhanǵalıeva Ulttyq halyq sanaǵynyń negizgi kezeńinde Atyraý oblysy boıynsha 913 adam ýaqytsha jumysqa tartylatynyn, onyń ishinde 114 nusqaýshy-baqylaýshy jáne 799 ıntervıýer bolatynyn málimdedi.
Olarǵa qoıylatyn talaptar: QR azamaty bolýy, jasy 18-ge tolýy, kompıýterde jumys isteý qabileti, kandıdattar vakınaııalaýdan ótken bolýy kerek. Kásibı bilimi men jumys ótili boıynsha talaptar qoıylmaıdy.
Jıynda oblys ákimi Mahambet Dosmuhambetov atalǵan kemshilikterdi joıyp, qala, aýdan ákimderine halyq sanaǵyna qoldaý bildirý qajettigin basa tapsyrdy.
Sondaı-aq, óńir basshysy ıntervıýerlerdi vakınaııalaýdan ótkizýdi, áleýmettik jeliler men buqaralyq aqparat quraldarynda túsindirme materıaldaryn ornalastyrýdy tapsyrdy. Sonymen qatar, mamandardyń qaýipsizdigin qamtamasyz etý úshin qajettilik týyndaǵan jaǵdaıda ýchaskelik polıııa qyzmetkerleriniń birlesip aralaýyn uıymdastyrýdy, sanaq personaldaryn qajetti orynjaılarmen, qural-jabdyqtarmen qamtamasyz etýdi mindettedi. Oǵan qosa, nusqaýshy - baqylaýshylarmen mamandardyń qoǵamdyq kólikterinde tegin júrýin uıymdastyrýdy tapsyrdy.
Aıta ketý kerek, «2020 jyly Qazaqstan Respýblıkasy halqynyń ulttyq sanaǵyn ótkizý týraly» Qazaqstan Respýblıkasy Úkimetiniń №419 qaýlysy qabyldanyp, alaıda, eldegi pandemııaǵa baılanysty Ulttyq sanaqty ótkizý osy jylǵa aýystyrylǵan bolatyn.
