Sportshy balalardyń tamaǵyna bólingen 36 mln teńge jymqyrylǵan

1966
Adyrna.kz Telegram

Qarjylyq monıtorıng agenttiginiń Shymkent qalasy boıynsha aýmaqtyq departamenti Túrkistan oblysy ákimdiginiń bilim basqarmasy ádistemelik ortalyǵynyń basshysy men eki qyzmetkerine, sondaı-aq, Shymkent qalasynyń seriktes-turǵynyna qatysty 36 mln. astam teńgeni jymqyrý deregi boıynsha qylmystyq isti tergeýde, dep habarlaıdy «Adyrna» tilshisi QR QMA baspasóz qyzmetine silteme jasap.

Aqshalaı qarajat orta mektep oqýshylary men kolledj stýdentterin respýblıkalyq sporttyq is-sharalarǵa daıyndaý sheńberinde tamaqtandyrýǵa arnalǵan.

Jymqyrý tıisti tizimdemede sportshylardyń qoldaryn qoldan jasaý jolymen júzege asyryldy. Iaǵnı, bıýdjetten qarajat bólindi, al sportshylardy tıisti deńgeıde daıarlaý júrgizilgen joq.

Sondaı-aq, tergeý barysynda aıyptalýshylar aldyn ala sóz baılasý arqyly olarǵa qatysty júrgizilip jatqan tergeýdiń oń sheshimi úshin ETD jedel qyzmetkerine 6 mln.teńge somasynda para bermek bolǵan.

Ádistemelik ortalyqtyń qyzmetkerlerine 2 jyldan 7 jylǵa deıin bas bostandyǵynan aıyrý jazasy taǵaıyndalýy múmkin.

«Qazirgi ýaqytta qylmystyq is Shymkent qalasynyń prokýratýrasynda. Ózge aqparat jarııa etýge jatpaıdy»,— delingen habarlamada.

«Adyrna» ulttyq portaly

Pikirler