Ekologııalyq monıtorıngtiń nátıjesi boıynsha elimizdiń 10 qalasynda atmosferalyq aýanyń joǵary lastanýy tirkelip otyr dep habarlaıdy "Adyrna" ulttyq portaly Ekologııa mınıstrliginiń baspasóz qyzmetine silteme jasap.
Olardyń qatarynda Temirtaý, Nur-Sultan, Almaty, Aqtóbe, Atyraý, Óskemen, Qaraǵandy, Balqash, Jezqazǵan, Shymkent qalalary bar.
Bul týraly Ekologııa, geologııa jáne tabıǵı resýrstar mınıstri Maǵzum Myrzaǵalıev Memleket basshysynyń 2021 jylǵy 1 qyrkúıektegi Qazaqstan halqyna Joldaýyn iske asyrý jóninde ótken Úkimet otyrysynda málimdedi.
Mınıstr bıyl Ekologııalyq kodekske sáıkes kásiporyndar eń úzdik qoljetimdi tehnologııalardy (EÚQT) engizetinin, mınıstrlik pen kásiporyndardyń arasynda memorandýmdar men jol kartalaryna qol qoıylǵanyn aıtty. Sondaı-aq ol kásiporyndar shyǵaryndylardy 20% paıyzdan 30% paıyzǵa deıin qysqartýdy josparlap otyrǵanyn jetkizdi.
Sonymen 2025 jylǵa qaraı elimizdiń 10 qalasyndaǵy birinshi sanattaǵy kásiporyndar úshin shyǵaryndylar lımıti 20 paıyzǵa tómendetiletin bolady.
Sondaı-aq, Maǵzum Myrzaǵalıev shyǵaryndylardy azaıtý maqsatynda ákimdikter eldi mekender men sharýashylyq sýbektilerin gazdandyrýdy jalǵastyrý qajet ekenin atap ótti.
"Adyrna" ulttyq portaly.
