Rıdderde úsh jas balanyń anasyn qatygezdikpen óltirgen kúdikti ustaldy, dep habarlaıdy «Adyrna» tilshisi.
PD málimetinshe, áıel 26 tamyz kúni tańerteń úıinen jumysqa ketken. Alaıda sol kúıi onda jetpeı, habar-osharsyz joǵalǵan. Onyń máıiti orman ishinen tabyldy.
Birneshe kúnnen keıin jedel ýákilder qandy qylmysqa qatysy bar degen kúdikpen 34 jastaǵy er adamdy ustady. Ol buryn birneshe ret sotty bolǵan. Azamat jaýap alý kezinde ońaı oljaǵa kenelgisi kelgenin aıtty.
«Alty kún boıy jedel-tergeý is-sharalary táýlik boıy júrgizildi. Qazirgi ýaqytta kúdikti qamaýǵa alyndy, onyń áreketteri QR QK-niń 99 jáne 192-baptary boıynsha saralanady, olardyń sankııalary 20 jylǵa deıin jazany nemese ómir boıy bas bostandyǵynan aıyrýdy kózdeıdi»,– dedi ShQO PD bastyǵynyń orynbasary Talǵat Shaıahmetov.
Aıta keteıik, marqumnyń artynda 8 jastan 11 jasqa deıingi úsh balasy qaldy.
«Adyrna» ulttyq portaly
