«Asar-2» shaǵyn aýdanyndaǵy 11 myńnan astam adam bıyl aýyz sýmen qamtylady

676

Jeti jyldam astam ýaqytta aýyz sýdy tasyp iship kelgen Asar-2 shaǵyn aýdany Táýelsizdiktiń 30 jyldyǵy qarsańynda sapaly aýyz sýmen qamtylady. Qala ákiminiń turǵyndardyń ómir súrýine jaıly orta qalyptastyrý aıasynda bergen tapsyrmasy negizinde megapolıste birqatar jumystar atqarylyp keledi.

«Asar-2» turǵyndaryn sapaly aýyz sý júıesimen qamtamasyz etý maqsatynda ótken jyldyń maýsym aıynda qurylys jumystary bastalǵan. Joba quny 1,5 mlrd teńgeni quraıdy. Qurylysyn merdiger mekeme «Saryaǵash Aman» júrgizýde. Jalpy uzyndyǵy 156,1 shaqyrymdy quraıtyn aýyz sý jelisin tartý jumystarynyń búginde 80 paıyzy aıaqtaldy. Qurylys jumysy bıyl tolyǵymen aıaqtalyp, Asar-2 shaǵyn aýdanyndaǵy 11060 adam sapaly aýyz sýmen qamtylatyn bolady.

Sonymen qosa, shaǵynaýdanǵa aýyz sýmen qosa kógildir otynmen jaryq júıeside tartylýda.

Pikirler
Redakııa tańdaýy