Qazaqstan tarıhynda alǵash ret Shymkentte sahnalanǵan qoıylym endi bas qalada

2778
Adyrna.kz Telegram

Shymkent qalalyq opera jáne balet teatrynyń ujymy gastroldik saparǵa attandy. Ónerpazdar 2-3 qyrkúıek kúnderi Táýelsizdiktiń 30 jyldyǵy aıasynda Nur-Sultan qalasy «Astana opera» memlekettik opera jáne balet teatr sahnasynda T.Jarmuqamettiń «Domalaq ana» operasyn kórermen nazaryna usynady. Shyǵarmashylyq ujymdy saparǵa shyǵaryp salýǵa Shymkent qalasy ákiminiń birinshi orynbasary Shyńǵys Muqan jáne qalalyq mádenıet basqarmasynyń basshylary qatysty. Shyńǵys Jumabekuly qalamyzda mádenıet salasyna basa nazar aýdarylyp jatqanyn aıtty.

– Shymkent qalasynyń opera jáne balet teatrynda úlken ózgerister oryn alyp jatqanyna ózderińiz de kýásizder. Álemge tanymal Maıra Muhamedqyzy qalamyzǵa kelgen soń eki aıdyń ishinde «Domalaq ana» operasyn sahnalap shyqty. Endi sol qoıylymmen Elordaǵa attanǵaly otyrsyzdar. Joldaryńyz bolsyn! Bul sapar elimizdiń Konstıtýııasy kúni merekesimen qatar kelip otyr. Aldaǵy on jyldyń ishinde Shymkenttiń mádenıet salasynyń shoqtyǵy budan da bıikke kóteriledi dep senemiz. Sebebi, qala ákimi Murat Áıtenovtiń bastamasymen Shymkentte arnaıy opera zaly salynady dep josparlanyp otyr, – dedi Shyńǵys Jumabekuly.

Opera jáne balet teatrynyń dırektory Maıra Muhamedqyzynyń aıtýynsha, pandemııaǵa baılanysty eki jyldan bergi alǵashqy saparǵa ujym tyńǵylyqty daıyndalǵan. Nur-Sultan qalasyna teatrdyń 170-ke jýyq qyzmetkeri attansa, elordadan 50-ge jýyq maman men arnaıy aspaptarmen qosylyp, «Domalaq ana» operasy naqyshyna keltirip oryndalmaq.

«Domalaq ana» operasyn sahnalaý egemen elimiz úshin tarıhı oqıǵa, jańa beles bolyp otyr. Qazaq tarıhyndaǵy aty ańyzǵa aınalǵan abyz analarymyzdyń ishinde qasıetti «Domalaq ana» týraly oqıǵa tarıhı shyndyǵynyń moldyǵymen daralanyp turatyn shyǵarmalardyń biri ekendigi sózsiz. Qazaq halqynnyń ózine tán qasıetti ana beınesi «Domalaq ana» operasynda tereńdikpen jetkizilgen. Jas qyz Nýrılanyń ana atanyp, ósıet pen rýhanı qundylyqtarǵa jáne analyq meıirge toly ǵumyry arqyly ana mahabbatynyń qýaty óte keń ári shynaıy kórsetilip, sýretteledi.

«Domalaq ana» operasy tek analyq qaısar júrek pen qalyń elge taraǵan keń peıildilikti aıshyqtap qana qoımaı, qazaq halqynyń tarıhynda mańyzdy oqıǵalardyń qozǵaýshysy bolǵan Báıdibek batyrdyń óz halqyna degen súıispenshiligimen bir arnaǵa toǵysyp, qazaq eliniń tarıhı tereńdigin, mádenı kórkemdigin keńinen qamtıdy.

Ideıa avtory - QR Eńbek sińirgen ártisi, Memlekettik syılyqtyń laýreaty Maıra Muhamedqyzy, qoıylymnyń kompozıtory QR Mádenıet salasynyń úzdigi, Halyqaralyq baıqaýladyń laýreaty Tasqyn Jarmuqamet. Lıbrettosyn jazǵan QR Eńbek sińirgen qaıratkeri Ashat Maemırov, Qoıýshy-rejısser – Mıhaıl Pandjavıdze; Qoıýshy-dırıjer – Mádı Ómirzaqov; Qoıýshy-sýretshi – Baqyt Kúzembaev.

Pikirler