Auǧanstandy basyp alǧan tälıpter "Taliban" radikaldy qozǧalysynyŋ kösemı Hibatulla Ahundzadany tälıpter "bas kösem" etıp sailady. Būl jaiynda News18 aqparattyq portaly habar taratty.
Tälıpter qazırgı bilıktı basqarudyŋ tetıkterın irandyqtardan üirenıp, keibır reformalardy tıkelei köşırıp jatyr. Mūnda bas kösem memlekettıŋ eŋ bırınşı basşysy, saiasi jäne dıni nūsqauşy bola alady. "Taliban" radikaldy qozǧalysynyŋ kösemı Hibatulla Ahundzada osy uaqytqa deiın aqparattyq közderge sūhbat bermegen. Auǧanstandy tälıpter basyp alǧanǧa deiın "Taliban" radikaldy qozǧalysynyŋ jetekşısı bolyp kelgen Hibatulla Ahundzada köp jaǧdaida aqparattyq közderge körınbeuge tyrysqan. Al qazır ol Auǧanstandaǧy "Taliban" radikaldy qozǧalysynyŋ kösemı bolyp sailandy.
Al, memlekettıŋ atqaruşy bilıgı premer-ministrdıŋ qolynda bolady. Būl postqa Abdul Ǧani Baradar taǧaiyndaldy. Abdul Ǧani Baradar saiasi keŋselerde basqaru jūmystaryn da ıske asyrady. Būl şendınıŋ de dıni ideologiialyq şeşımder jasauǧa qūqy bar.
Al, joǧary sotqa Abdul Hakim Hakkani taǧaiyndaldy. Ol osy uaqytqa deiın Hibatulla Ahundzadanyŋ saiasi kömekşısı qyzmetın atqaryp keldı.
Bekbolat QARJAN,
"Adyrna"ūlttyq portaly
Ūqsas jaŋalyqtar
