Aımaq basshysy Mahambet Dosmuhambetov arnaıy baryp, kórgen "Deni saýdyń - jany saý" áleýmettik poıyzynyń "Saǵyz - Atyraý" baǵytyndaǵy tasymaly "Atyraý - Qurmanǵazy" baǵytynda da qatynaıtyn bolady.
Qyzylqoǵa aýdanyna jumys sapary aıasynda Atyraý oblysynyń ákimi Mahambet Dosmuhambetov Saǵyz stansasynan jolǵa shyqqan tegin tasymal poıyzynyń vagondaryn kórip shyǵyp, jolaýshylarǵa sát sapar tiledi.
"Bul - turǵyndardyń ekpe alýyna jaǵdaı týǵyzý maqsatynda uıymdastyrylyp otyrǵan bastama, óıtkeni indetpen kúresýdiń birden-bir joly vakına alý" dep atap ótti Atyraý oblysynyń ákimi Mahambet Dosmuhambetov.
Jolaýshylardyń keıbiri ekpeni alǵash alǵaly jatsa, endi biri ekpeniń ekinshi komponentin saldyrmaqshy.
Qyzylqoǵa aýdanynyń qurmetti azamaty Baıǵalı Dosymbaev arnaıy poıyz arnap, ekpe alýǵa jaǵdaı jasap jatqan oblys basshylyǵyna rızashylyǵyn bildirdi.
"Buǵan deıin qan qysymym bolǵan soń eki ret ekpe ala almap edim, keıin bala-shaǵamyzdyń densaýlyǵy úshin otbasymyzben ekpe aldyq. Balalarymyzǵa da únemi aıtyp otyramyz. Onyń ústine qazir áleýmettik jeliler arqyly da teris túsinik qalyptastyryp, halyqtyń arasyn ekige bólip qoıyp otyrǵandar bar. Jalǵan aqparattarǵa da toqtam bolýy kerek" deıdi Baıǵalı Dosymbaev.
60 oryndyq eki vagon aýdan turǵyndary úshin arnaıy jasaqtalyp otyr.
"Qazirgi tańda oblysta 59 ekpe alý pýnktteri bar. Onyń 10-y jyljymaly pýnktter. Arnaıy áleýmettik poıyz jolaýshylary úshin, Atyraý qalasynda eki egý pýnkti temir jol aýrýhanasynda jáne N7 Atyraý qalalyq emhanasynda qyzmet kórsetedi" dedi Atyraý oblystyq densaýlyq saqtaý basqarmasynyń basshysy Ashan Baıdýalıev.
Tegin tasymaldaý akııasy "Atyraý - Saǵyz" baǵytymen birge, "Atyraý - Qurmanǵazy" baǵytynda da jalǵasady.
Joba Atyraý oblysy ákimdiginiń qoldaýymen "Qazaqstan temir joly" AQ-y bastamasymen iske asýda.
