Baızaq aýdanynda bolǵan oqıǵaǵa baılanysty qurylǵan oblystyq jedel shtabtyń jumysy jalǵasýda. Bul týraly Jambyl oblysy ákimdiginiń baspasóz qyzmeti jazdy, dep habarlaıdy «Adyrna» tilshisi.
Shtab músheleri ǵylymı-zertteý qyzmetkerlerimen birge irgedegi 3 eldi mekendegi turǵyn úıler men áleýmettik nysandardy túgeldeı zerttedi. Qazirgi tańda jóndeýdi qajet etetin 118 jyljymaıtyn múlik anyqtalsa, onyń 106-sy turǵyn úı, 12-si kommerııalyq nysan. Bul týraly oblys ákimi Berdibek Saparbaev BAQ ókilderine bergen suhbatynda jan-jaqty toqtaldy.
Anyqtalǵan 106 turǵyn úıdiń 35-si kúrdeli jóndeýden ótetin bolsa, qalǵan 71-i jeńil zaqymdalǵan, olar da qalpyna keltiriledi. Barlyq jumystarǵa Úkimet tarapynan qaralatyn jáne qosymsha jergilikti bıýdjet, óńirdegi demeýshiler qarajattary jumsalady.
- Búgin bir úıdiń kúrdeli jóndeý jumystary bastalsa, qalǵan úıler boıynsha qurylysshylar erteńnen bastap iske kirisedi. Eki aıdyń ishinde barlyq úıdi qalpyna keltiremiz dep ózimizge mindetteme alyp otyrmyz. Oǵan bizdiń múmkindigimiz de, qurylysshylar kúshi de jetkilikti. Áleýmettik nysandarǵa qatysty toqtalsaq, 3 mektepke zaqym kelgen. Ásirese, qatty zardap shekkeni – Jibek Joly aýylyndaǵy bilim ordasy. 118 bala oqıtyn bilim mekemesiniń irgesi 1956 jyly qalanǵan. Eski mekteptiń ornyna jańa ǵımarat salýǵa sheshim qabyldandy. Aýyl halqy sanynyń ósimi eskerilip, Úkimetke 150 oryndyq jańa mekteptiń qurylysy boıynsha usynys joldaımyz. Salynatyn jer belgilendi, qujattary barynsha qysqa ýaqytta daıyndalady. Jeńil zaqymdalǵan Úshbulaq men Bazarbaı aýyldaryndaǵy mektepter demeýshiler esebinen qalypqa keltirilýde. Olar birinshi qyrkúıekke deıin daıyn bolady. Dál sondaı bir medıınalyq pýnkt te bir apta ishinde tolyǵymen jóndeledi,– dedi oblys ákimi.
Oblys ákiminiń aıtýynsha, temir jol, avtojoldar qalypty rejımde jumys jasaýda. Turǵyndardyń barlyǵy úılerine oralǵan. Úıleri kúrdeli jóndeýden ótetin Qaınar aýylynyń turǵyndary ýaqytsha baspanamen, azyq-túlikpen qamtamasyz etiledi.
Qazirgi tańda Taraz qalalyq ortalyq aýrýhanada 28 naýqas em alýda. Onyń 4-iniń jaǵdaıy ortasha aýyr. Olarǵa qajetti barlyq medıınalyq kómekter kórsetilýde. Ómirlerine eshqandaı qaýip tónip turǵan joq. Dári-dármekter men dárigerler jetkilikti.
Jalpy, medıınalyq kómekke júgingen túrli deńgeıde jaraqat alǵan 98 adamnyń ishinde qarapaıym turǵyndar joq, barlyǵy áskerıler men tótenshe jaǵdaı salasynyń qyzmetkerleri.
Qazirgi tańda habarsyz ketkender izdestirilýde. Oblys ákimi olardyń ata-analary men týǵan-týysqandarymen kezdesip, tıisti túsindirme berdi. Izdeý jumystaryna áskerıler, TJD mamandary, kınologtar, tıisti mamandar, qyzmettik ıtter, atty adamdar jumyldyrylǵan. Arnaıy dron qurylǵysynyń múmkindigi de barynsha paıdalanylýda. Qazirgi tańda 180 adam, 40 shaqty tehnıka jumys jasaýda.
«Adyrna» ulttyq portaly
