Aqtaý qalasynda el Táýelsizdiginiń 30 jyldyǵy aıasynda jáne Konstıtýııa kúnine oraı №18 shaǵyn aýdanda ornalasqan 4 turǵyn úı paıdalanýǵa berildi. 180 páterden turatyn turǵyn úıler «Nurly jer» memlekettik baǵdarlamasy aıasynda boı kótergen dep habarlaıdy "Adyrna" ulttyq portaly.
Kilt tabystaý rásimine Aqtaý qalasynyń ákimi N.Qılybaı qatysyp, baspanaly bolǵan azamattardy qonys toımen quttyqtady.
— Qalamyzda memleket qoldaýynyń nátıjesinde baspanaly bolyp, qonys toıyn toılaıtyndar sany artyp keledi. Osy jazda «Aqqý-3» turǵyn úı kesheninen 443 páter tabystalyp, qýanyshtyń kýási boldyq. Búgin, mine, jalpy aýdany 10150 sharshy metr bolatyn jańa turǵyn úıdi paıdalanýǵa berýdemiz. Merekemen tuspa-tus kelgen qonys toılaryńyz qutty bolsyn. Shańyraqtaryńyz shattyqqa toly bolyp, bereke-birligimiz arta bersin, - dedi qala ákimi.
Sharaǵa jınalǵandar baspanaly bolǵan Medına Alagózovanyń shańyraǵyna baryp, dám tatty. Jańa qonystyń alǵashqy qonaǵy bolǵan aýyl aqsaqaldary bata berdi.
Keler jyly qalada №19A jáne №18 shaǵyn aýdandardan kóppáterli 9 úı paıdalanýǵa berý josparlanýda. Osylaısha óńirde qonys toıyn toılaýshylar sany artpaq.
"Adyrna" ulttyq portaly.
