Búgingi kúni elimizde 20,8 mln tonna shóp daıyndalǵan, bul jospardyń — 88%-y. Pishendeme daıyndaý jospardyń 76%-yn, al súrlem daıyndaý 8%-yn qurap otyr dep habarlaıdy "Adyrna" ulttyq portaly QR Aýyl sharýashylyǵy mınıstrliginiń baspasóz qyzmetine silteme jasap.
Elimizde qysqy mal azyǵyn daıyndaý máselesi Aýyl sharýashylyǵy mınıstriniń mindetin atqarýshy E.Qarashókeevtiń tóraǵalyǵymen mınıstrlik janyndaǵy jem-shóppen qamtamasyz etý jónindegi respýblıkalyq jedel shtabtyń kezekti otyrysynda qaraldy.
Vedomstvo basshysy aımaqtardaǵy jem-shóp daıyndaý isiniń qazirgi jaǵdaıyn "qanaǵattanarlyq" dep baǵalady.
Vedomstvo basshysy atap ótkendeı, Úkimet qarjyny ýaqytynda bóldi, al ákimdikterdiń mindeti — shuǵyl túrde bul qarjyny sharýalarǵa jetkizý.
— Aqsha bar, mal azyǵyn daıyndaý maýsymy ótip barady, jeke qosalqy sharýashylyqtar men sharýa qojalyqtary bul qarajatty asyǵa kútip otyr, - dedi mınıstrdiń mindetin atqarýshy.
Máselen, bıyl qurǵaqshylyq bolǵan Mańǵystaý oblysynda josparlanǵan shóptiń 48%-y daıyndalǵan.
— Bıyl kúıi tómen malmen qysqa kirýge májbúrmiz. Eger daıyndyǵymyz nashar bolsa, kúrdeli jaǵdaıǵa tap bolatynymyz anyq. Barlyq jaýapkershilik sizderge júkteletinin umytpańyzdar. Bizdiń qatelik jasaýǵa quqyǵymyz joq, — dedi jedel shtab tóraǵasy.
"Adyrna" ulttyq portaly.
