Memleket basshysy Nursultan Nazarbaev Djordj Kroldyń Qazaqstan Respýblıkasy men AQSh arasyndaǵy ekijaqty qarym-qatynasty damytýda erekshe ról atqaratynyn aıtyp, búgingi kezdesý Qazaqstan Prezıdentiniń Amerıka Qurama Shtattaryna resmı sapary qarsańynda ótip jatqanyn atap ótti.
– 26 jyl ishinde bizdiń elderimiz arasynda ózara dostyq qarym-qatynas ornap, 70-ten astam memleketaralyq, úkimetaralyq jáne vedomstvoaralyq kelisimge qol qoıyldy, – dedi Nursultan Nazarbaev.
Kezdesý barysynda Memleket basshysy AQSh Prezıdenti D.Tramppen birge strategııalyq seriktestiktiń basym baǵyttarynda, sonyń ishinde terrorızmge qarsy kúres júrgizý, ıadrolyq qarýdy taratpaý rejimin nyǵaıtý salasynda, sondaı-aq saýda-ekonomıkalyq jáne ınvestıııalyq yntymaqtastyq aıasyn odan ári keńeıtý baǵytynda qol jetkizilgen ýaǵdalastyqtardyń mańyzdylyǵyn aıtty.
– Qazaqstanda Amerıka kapıtalynyń qatysýymen 500-ge jýyq kompanııa jumys isteıdi, solardyń 140-tan astamy – birlesken kásiporyndar. Olar taýar óndirip, ónimderin basqa elderge eksporttaýmen aınalysady, – dedi Qazaqstan Prezıdenti.
Djordj Krol Qazaqstan Respýblıkasyndaǵy dıplomatııalyq qyzmetine joǵary baǵa bergeni úshin Nursultan Nazarbaevqa alǵys aıtyp, Qazaqstan Prezıdentiniń aldaǵy sapary eki memleket arasyndaǵy baılanysty odan ári nyǵaıta túsetinine senim bildirdi.
Aqorda
