Qorǵanys mınıstrliginde ótken apparattyq keńeste áskerimizdiń tynys-tirshiliginiń ózekti máseleleri qaraldy, dep habarlaıdy «Adyrna» tilshisi QR Qorǵanys mınıstrligine silteme jasap.
Aýǵanstan Islam Respýblıkasyndaǵy ahýaldyń shıelenisýine baılanysty Qarýly Kúshterde qyraǵylyqty kúsheıtý boıynsha sharalar qabyldandy. Eń aldymen, bul arnaıy operaııalar kúshteriniń bólimshelerine, maıdan jáne áskerı-kólik avıaııasyna, áýe shabýylyna qarsy qorǵanysqa qatysty bolyp otyr. Qorǵanys mınıstri óńirdegi jaǵdaıdy qadaǵalaý jáne taldaý, kúshter men quraldardyń táýliktik kezekshiligin uıymdastyrý boıynsha mindetter qoıdy. Joǵary qyraǵylyqty qamtamasyz etý maqsatynda áskerı qyzmetshilerdiń kezekshilik atqarýy boıynsha júktemeni birdeı bólý qajettiligi atap ótildi.
– Týyndaıtyn syn-qaterdi udaıy baǵalap, qazirgi ýaqytta biz úshin anaǵurlym mańyzdy jáne negizgi kúsh-jigerdi qaıda baǵyttaý kerek ekenin aıqyndaý qajet, – dedi general-leıtenant Nurlan Ermekbaev.
Zapastaǵy, ásirese tapshy mamandyǵy bar ofıerlerdi áskerı qyzmetke shaqyrý máselesi kóterildi. Atap aıtqanda, armııanyń epıdemııaǵa qarsy is-sharalarǵa qatysýy zapastaǵy ofıerler baǵdarlamasy boıynsha áskerı kafedralarda daıyndalatyn jáne ofıer ataǵyn alǵannan keıin armııada qyzmet ótkergisi kelmeıtin áskerı dárigerlerdiń qajet ekenin kórsetti.
Zańnamaǵa ofıer áskerı ataǵyn alǵan áskerı kafedrany bitirýshilerdi mindetti túrde áskerı qyzmet ótkerý úshin áskerge shaqyrý boıynsha túzetýler engizý tapsyryldy.
– Barlyq stýdent pen joǵary oqý oryndarynyń basshylary áskerı kafedrada oqý – bul oıyn-saýyq jáne zapastaǵy ofıerdiń áskerı bıletti alý tásili emes, eń aldymen – el múddesi úshin Qarýly Kúshterde qyzmet etýge daıyn ekenderin túsinýi tıis! - dep atap ótti Qorǵanys mınıstri.
«Adyrna» ulttyq portaly
