Aqtóbe oblysynda bıylǵy jyldyń I jartyjyldyǵynda 17 myń jańa jumys orny ashylǵan dep habarlaıdy "Adyrna" ulttyq portalynyń tilshisi.
Aqtóbe oblysynyń ákimi Ońdasyn Orazalın depýtattarǵa óńirdiń ótken jarty jyl ishindegi áleýmettik-ekonomıkalyq damýynyń qorytyndysyn tanystyryp, oblysta jyl basynan beri ekonomıkalyq ósimniń kezeń-kezeńmen qalpyna keltirilip jatqanyn atap ótti.
Barlyq negizgi áleýmettik-ekonomıkalyq kórsetkishter boıynsha oń dınamıka qamtamasyz etilgen, óńirdiń ekonomıkalyq ósiminiń qysqa merzimdi qarqyny shamamen 105,5% quraıdy, bıylǵy jyldyń maýsym aıyndaǵy ınflıaııasy ortasha respýblıkalyq deńgeıden tómen– 104,4% (respýblıkada – 104,6%).
Eseptik kezeńde 17 myńnan asa jumys orny quryldy, oblystaǵy ortasha aılyq eńbekaqy 204,7 myń teńgege jetip, 18,6%-ǵa, al naqty eńbekaqy – 110,1% ósti.Ónerkásip óndirisiniń jalpy kólemi 108,2% nemese 997,2 mlrd teńgeni qurady. Aýyl sharýashylyǵynyń byltyrmen salystyrǵanda 2,6%-ǵa óskeni baıqalady.
Óńir basshysy sondaı-aq, osy jylǵa oblystyq, aýdandyq, jergilikti mańyzy bar 451 shaqyrym joldy jóndeý, 28 sýmen jabdyqtaý josbasyn júzege asyrý jáne 14 eldi mekenge gaz qosý josparlanǵanyn aıtty.
Azamattardyń ómir súrý deńgeıin odan ári jaqsartý maqsatynda sessııa barysynda qala mańyndaǵy eldi mekenderdi ınjenerlik ınfraqurylymmen (sýmen, gazben, elektrmen jáne t.b.) qamtamasyz etý úshin qosymsha qarajat bólý týraly usynys qaraldy. Óńir basshysy bul bastamany biraýyzdan qoldaǵan depýtattarǵa alǵysyn bildirdi.
Aǵymdaǵy jyldyń qańtar-maýsym aılarynyń qorytyndysy boıynsha 367 myń sharshy metr turǵyn úı paıdalanýǵa berildi. Jyl sońyna deıin bul kórsetkishti 1,1 mıllıon sharshy metr turǵyn úıge jetkizý josparlanyp otyr.
— Ekinshi jartyjyldyqta bizdiń nazar áleýmettik mańyzy bar azyq -túlik taýarlarynyń baǵasyn ustap turý sharalaryn júzege asyrýǵa, ınvestıııalardyń kelýin ulǵaıtýǵa, óńdeý sektorynyń ósýi men damýy esebinen ekonomıka qurylymyn odan ári ártaraptandyrýǵa baǵyttalatyn bolady. Biz halyqty vakınaııalaýdyń joǵary qarqynyn saqtaýǵa jáne epıdemııaǵa qarsy sharalardy jalǵastyrýǵa bet aldyq. Memleket basshysynyń aqtóbelikterdiń ómir súrý sapasy men ál-aýqatyn jaqsartý jónindegi tapsyrmasyn tek bılik qana emes, sonymen birge qoǵam da birlesip kúsh sala alady. Tek osy jaǵdaıda ǵana biz oblystyń áleýmettik-ekonomıkalyq damýyn jaqsartyp, oblys turǵyndarynyń jaıly ómir súrýin qamtamasyz ete alamyz,- dedi Ońdasyn Orazalın.
"Adyrna" ulttyq portaly.
