Aqtaýda bıyl bes shaǵyn aýdan abattandyrylady dep habarlaıdy "Adyrna" ulttyq portaly.
Mańǵystaý oblysy ákiminiń baspasóz qyzmetiniń málimetine súıensek, qazirgi tańda qaladaǵy №5, №8, №9, №13, №28 shaǵyn aýdandarynda jumystar qyzý júrýde. Oblys ákimi Seriktaı Trumov jańartylyp jatqan shaǵyn aýdandardy aralap, jumys barysymen tanysty.
Atap aıtsaq, Aqtaý qalasyndaǵy №5 shaǵyn aýdan boıynsha 50 024 sharshy metr avtokólik joly, 15 824 sharshy metr jaıaý júrginshiler joly, balalarǵa arnalǵan 8 oıyn jáne 2 sport alańy, №8 shaǵyn aýdanda 42 452 sharshy metr avtokólik joly, 17 944 sharshy metr jaıaý júrginshiler joly, balalarǵa arnalǵan 11 oıyn jáne 3 sport alańy jasaqtalady.
Al №9 shaǵyn aýdanda bıyl 47 321 sharshy metr avtokólik joly, 12 813 sharshy metr jaıaý júrginshiler joly, balalarǵa arnalǵan 10 oıyn jáne 3 sport alańy, №13 shaǵyn aýdanda 72 151 sharshy metr avtokólik joly, 19 924 sharshy metr jaıaý júrginshiler joly, 20 oıyn jáne 9 sport alańy, sondaı-aq №28 shaǵyn aýdanda 50 913 sharshy metr avtokólik joly, 26 352 sharshy metr jaıaý júrginshiler joly, 14 oıyn jáne 7 sport alańy jańartylady. Atalǵan jumystarǵa barlyǵy 650 adam, 120 tehnıka tartylǵan.
Aıta ketsek, byltyrdan beri Aqtaý qalasynda jyldar boıy jóndeý kórmegen shaǵyn aýdandardy abattandyrý boıynsha keshendi jumystar júrgizilip jatyr.
2020 jyly "Jumyspen qamtýdyń jol kartasy" baǵdarlamasy aıasynda respýblıkalyq bıýdjetten qarajat bólinip, jyl sońyna deıin barlyǵy 6, ıaǵnı 2,6,7,12,26 jáne 27 shaǵynaýdandarǵa tolyǵymen keshendi abattandyrý jumystary júrgizildi. Jumystary aıasynda 67,2 shaqyrym avtojol salynyp, 45,8 shaqyrym jaıaý júrginshiler joldary tóseldi. 63 dana balalar oıyn alańdary men 22 sport alańy tolyqtaı jańartyldy.
Byltyrǵy jóndeý jumystary qazyna qarajatynan jasalsa, bıylǵy abattandyrý jumystary NCOC mekemesiniń demeýshiligi esebinen júrgizilýde. Keler jyly da taǵy 5 shaǵynaýdan jóndeledi dep josparlanyp otyr.
Jumys barysyn aralap kórgen oblys ákimi jaýapty mamandarǵa sapaǵa mán berýdi tapsyrdy.
"Bul - halyq kóp kútken joba. Jyldar boıy jóndeý kórmegen shaǵyn aýdardyń ishki jóndeý jumystary halyqtyń usynys tilekterin eskere otyryp jasalý kerek. Asyǵýdyń qajeti joq. Bastysy sapasyna mán berińder", — dedi S.Trumov.
"Adyrna" ulttyq portaly.
