Aqtauda biyl bes şaǧyn audan abattandyrylady dep habarlaidy "Adyrna" ūlttyq portaly.
Maŋǧystau oblysy äkımınıŋ baspasöz qyzmetınıŋ mälımetıne süiensek, qazırgı taŋda qaladaǧy №5, №8, №9, №13, №28 şaǧyn audandarynda jūmystar qyzu jürude. Oblys äkımı Serıktai Trūmov jaŋartylyp jatqan şaǧyn audandardy aralap, jūmys barysymen tanysty.
Atap aitsaq, Aqtau qalasyndaǧy №5 şaǧyn audan boiynşa 50 024 şarşy metr avtokölık joly, 15 824 şarşy metr jaiau jürgınşıler joly, balalarǧa arnalǧan 8 oiyn jäne 2 sport alaŋy, №8 şaǧyn audanda 42 452 şarşy metr avtokölık joly, 17 944 şarşy metr jaiau jürgınşıler joly, balalarǧa arnalǧan 11 oiyn jäne 3 sport alaŋy jasaqtalady.
Al №9 şaǧyn audanda biyl 47 321 şarşy metr avtokölık joly, 12 813 şarşy metr jaiau jürgınşıler joly, balalarǧa arnalǧan 10 oiyn jäne 3 sport alaŋy, №13 şaǧyn audanda 72 151 şarşy metr avtokölık joly, 19 924 şarşy metr jaiau jürgınşıler joly, 20 oiyn jäne 9 sport alaŋy, sondai-aq №28 şaǧyn audanda 50 913 şarşy metr avtokölık joly, 26 352 şarşy metr jaiau jürgınşıler joly, 14 oiyn jäne 7 sport alaŋy jaŋartylady. Atalǧan jūmystarǧa barlyǧy 650 adam, 120 tehnika tartylǧan.
Aita ketsek, byltyrdan berı Aqtau qalasynda jyldar boiy jöndeu körmegen şaǧyn audandardy abattandyru boiynşa keşendı jūmystar jürgızılıp jatyr.
2020 jyly "Jūmyspen qamtudyŋ jol kartasy" baǧdarlamasy aiasynda respublikalyq biudjetten qarajat bölınıp, jyl soŋyna deiın barlyǧy 6, iaǧni 2,6,7,12,26 jäne 27 şaǧynaudandarǧa tolyǧymen keşendı abattandyru jūmystary jürgızıldı. Jūmystary aiasynda 67,2 şaqyrym avtojol salynyp, 45,8 şaqyrym jaiau jürgınşıler joldary töseldı. 63 dana balalar oiyn alaŋdary men 22 sport alaŋy tolyqtai jaŋartyldy.
Byltyrǧy jöndeu jūmystary qazyna qarajatynan jasalsa, biylǧy abattandyru jūmystary NCOC mekemesınıŋ demeuşılıgı esebınen jürgızılude. Keler jyly da taǧy 5 şaǧynaudan jöndeledı dep josparlanyp otyr.
Jūmys barysyn aralap körgen oblys äkımı jauapty mamandarǧa sapaǧa män berudı tapsyrdy.
"Būl - halyq köp kütken joba. Jyldar boiy jöndeu körmegen şaǧyn audardyŋ ışkı jöndeu jūmystary halyqtyŋ ūsynys tılekterın eskere otyryp jasalu kerek. Asyǧudyŋ qajetı joq. Bastysy sapasyna män berıŋder", — dedı S.Trūmov.
"Adyrna" ūlttyq portaly.
