Ispanııada «Barselonanyń» burynǵy shabýylshysy Lıonel Messıdiń qoshtasý baspasóz máslıhatynda kóz jasyn súrtken qaǵaz oramaly Mercado Libre aýkıonyna qoıylǵandyǵy anyqtaldy. Oramaldyń bastapqy quny — 1 mıllıon dollar dep habarlaıdy "Adyrna" ulttyq portaly "Rıdýs.rý" saıtyna silteme jasap.
Messı ómiriniń kóp bóligin «Barselonaǵa» arnady. Argentınalyq fýtbolshy Ispanııa chempıonatynyń, Chempıondar lıgasynyń birneshe dúrkin jeńimpazy atandy, alty ret «Álemniń úzdik fýtbolshysy» ataǵyn jeńip aldy. Ony bul klýbtyń naǵyz ańyzy dep sanaýǵa bolady.
Bıyl tamyzda argentınalyq shabýylshy Lıonel Messı resmı túrde Franııanyń "Parı Sen-Jermen" fýtbol klýbyna aýysty. Osydan keıin Lıonel Messı óziniń resmı saıtynda tegi jazylǵan fýtbolkalardy satylymǵa shyǵardy. Bir saǵatta 250 myń fýtbolka satylǵan.
Qazir áleýmettik jelilerde fýtbolshynyń bet oramalynyń qymbat baǵaǵa satylýyna baılanysty ár túrli pikirler aıtylýda. Birqatar jankúıerler «bóten jaratylys ıesiniń bıomaterıaly» shynymen qymbat turady» dep baǵalaýda.
"Adyrna" ulttyq portaly.
