Kanadada oqyǵan «Bolashaq» baǵdarlamasynyń túlegi Qostanaı oblysyndaǵy aýyl mektebinde sabaq beredi, dep habarlaıdy «Adyrna» tilshisi BǴM baspasóz qyzmetine silteme jasap.
Pedagog Dıana Mombaeva Kanadadaǵy eń bedeldi joǵary oqý oryndarynyń biri – Kalgarı Ýnıversıtetinde bilim alǵan. Batystyq bilim alyp, dıssertaııa qorǵaǵan jas maman Qostanaı oblysynyń Komsomolskoe aýylyna oralyp, aýyl mektebinde jumys isteýge sheshim qabyldaıdy.
Dıana aýyl balalarymen óz bilimimen bólise otyryp, eldegi bilim salasynyń órkendeýine úles qosa alamyn dep sanaıdy.
«Kanadada oqyp júrgen kezimde men sondaı-aq volonterlik qyzmetpen de aınalystym. Men ózime árqashan «aýylym úshin ne isteı alamyn?» degen suraq qoıatynmyn. Kalgarı qalasynan bilim alyp kelgennen keıin birden týǵan aýylyma oralamyn dep sheshim qabyldap, aýyl balalaryna aǵylshyn tili sabaqtaryn tegin ótkize bastadym. Men tarıh páninen sabaq beremin, sonymen qatar mektep dırektorynyń orynbasarymyn. Buryn men dál osy mektepte oqyp, bolashaqta shetelde oqýyma múmkindigim bolmaıdy dep oılaıtyn edim. Biraq bilimge degen qushtarlyq pen ózińe degen senim árqashan qalaǵan nársege qol jetkizýińe kómektesedi. Meniń oıymsha, bizdiń bilim berý júıesinde osy salanyń damýyna úles qosatyn adamdar jeterlik», – deıdi ol.
«Adyrna» ulttyq portaly
