Kanadada oqyǧan «Bolaşaq» baǧdarlamasynyŋ tülegı Qostanai oblysyndaǧy auyl mektebınde sabaq beredı, dep habarlaidy «Adyrna» tılşısı BǦM baspasöz qyzmetıne sılteme jasap.
Pedagog Diana Mombaeva Kanadadaǧy eŋ bedeldı joǧary oqu oryndarynyŋ bırı – Kalgari Universitetınde bılım alǧan. Batystyq bılım alyp, dissertasiia qorǧaǧan jas maman Qostanai oblysynyŋ Komsomolskoe auylyna oralyp, auyl mektebınde jūmys ısteuge şeşım qabyldaidy.
Diana auyl balalarymen öz bılımımen bölıse otyryp, eldegı bılım salasynyŋ örkendeuıne üles qosa alamyn dep sanaidy.
«Kanadada oqyp jürgen kezımde men sondai-aq volonterlık qyzmetpen de ainalystym. Men özıme ärqaşan «auylym üşın ne ıstei alamyn?» degen sūraq qoiatynmyn. Kalgari qalasynan bılım alyp kelgennen keiın bırden tuǧan auylyma oralamyn dep şeşım qabyldap, auyl balalaryna aǧylşyn tılı sabaqtaryn tegın ötkıze bastadym. Men tarih pänınen sabaq beremın, sonymen qatar mektep direktorynyŋ orynbasarymyn. Būryn men däl osy mektepte oqyp, bolaşaqta şetelde oquyma mümkındıgım bolmaidy dep oilaityn edım. Bıraq bılımge degen qūştarlyq pen özıŋe degen senım ärqaşan qalaǧan närsege qol jetkızuıŋe kömektesedı. Menıŋ oiymşa, bızdıŋ bılım beru jüiesınde osy salanyŋ damuyna üles qosatyn adamdar jeterlık», – deidı ol.
«Adyrna» ūlttyq portaly
