Juma kúni elimizdiń keı jerlerinde, jańbyr jaýyp, naızaǵaı jarqyldaıdy, jel kúsheıip, tuman túsýi yqtımal, dep habarlaıdy “Adyrna” ulttyq portaly Qazgıdrometke silteme jasap.
Sınoptıkterdiń boljaýynsha, 13 tamyzda elimizdiń basym bóligi antııklonnyń yqpalynda bolǵandyqtan, kún raıy ashyq, tek soltústik-shyǵysta, shyǵysta jáne ońtústik-shyǵysta atmosferalyq aǵyndarǵa baılanysty jańbyr jaıyp, naızaǵaı jarqyldaıdy, shyǵys jáne ońtústik-shyǵysta keı jerlerde nóser jańbyr jaýady, keı jerlerde tuman túsip, burshaq jaýýy múmkin, daýyl soǵyp, jel kúsheıedi. Elimizdiń ońtústiginde jáne batysynda keı jerlerde shańdy daýyl soǵady. Shyǵys Qazaqstan oblysynyń keı jerlerinde naızaǵaı oınap, burshaq jaýady, daýyl soǵýy yqtımal, jeldiń jyldamdyǵy 15-20 m/s kúsheıip, ekpini 23 m/s jetedi. Jambyl oblysynyń keı jerlerinde naızaǵaı oınap, burshaq jaýady, daýyl soǵýy múmkin, jel 15-20 m/s kúsheıedi. Almaty oblysynyń keı jerlerinde naızaǵaı oınap, burshaq jaýýy múmkin, jel 17-22 m/s kúsheıedi.
Qaraǵandy oblysynyń keı jerlerinde naızaǵaı oınap, burshaq jaýýy múmkin, jel 15-20 m/s kúsheıedi, túnde keı jerlerde tuman túsedi. Pavlodar oblysynyń keı jerlerinde naızaǵaı oınap, tuman túsedi, kúndiz keı jerlerde jel 15-20 m/s kúsheıedi. Qyzylorda, kúndiz Túrkistan, Atyraý, Batys Qazaqstan oblystarynyń keı jerlerinde jel 15-20 m/s kúsheıedi. Mańǵystaý oblysynyń keı jerlerinde jel 15-20 m/s kúsheıedi, shańdy daýyl soǵýy yqtımal.
Aqmola oblysynyń keı jerlerinde tuman túsedi, jel 15-20 m/s kúsheıedi. Kúndiz Atyraý oblysynyń basym bóliginde, Mańǵystaý, Batys Qazaqstan oblystarynyń keı jerlerinde qatty ystyq bolady. Qyzylorda, Túrkistan, Mańǵystaý, Atyraý, Jambyl, Aqtóbe, Batys Qazaqstan, Almaty oblystarynyń basym bóliginde, Qaraǵandy oblysynyń keı jerlerinde, Qostanaı, Shyǵys Qazaqstan oblystarynyń ońtústiginde, Aqmola oblysynyń jekelegen aýdandarynda tótenshe órt qaýpi saqtalady.
