Qarjylyq monıtorıng agenttiginiń Almaty qalasy boıynsha aýmaqtyq departamenti "QAMQOR" jedel aldyn alý is-sharasy aıasynda Almaty oblysy bilim basqarmasynyń «№1 Almaty oblystyq balalar úıi» QMM dırektory men qyzmetkerine qatysty sotqa deıingi tergep - tekserýdi aıaqtady, dep habarlaıdy «Adyrna» tilshisi QR QMA baspasóz qyzmetine silteme jasap.
Tergeý barysynda balalar úıiniń áleýmettik pedagogy M. Mustafına óziniń qyzmettik jaǵdaıyn paıdalanyp, ózine senip tapsyrylǵan 67 mıllıon teńge somasyndaǵy aqshalaı járdemaqyny jymqyrǵany dáleldendi.
Sottalǵan Mustafına áleýmettik pedagog jáne balalar úıiniń basshysynan qamqorshynyń múddelerin bildirýge senimhaty bola otyryp, tárbıelenýshilerge asyraýshysynan aırylýy jáne múgedektigi boıynsha járdemaqy resimdep, sondaı-aq ekinshi deńgeıdegi bankterde olarǵa kartochkalyq shottar ashqan.
Tárbıelenýshilerdiń esep aıyrysý shottaryna tolyq qol jetkizip, mobıldi bankıng arqyly balalar úıi tárbıelenýshileriniń esep aıyrysý shottarynan jeke kartochkalyq shotqa aqsha qarajatyn aýdarymdardy júzege asyrǵan, sondaı-aq tárbıelenýshilerdiń bank kartalaryn paıdalana otyryp, bankomattardan keıbir qarajatty alǵan.
Mundaı zańsyz qyzmetpen sottalǵan adam 2015 jyldyń jeltoqsanynan 2020 jyldyń tamyzyna deıin aınalysqan.
Óz kezeginde balalar úıiniń dırektory Ǵ. Qondybaeva 2018 jyldyń kúzinde Mustafınanyń urlaý faktileri týraly bilip, ony ýákiletti organdardan jasyryp, ony qyzmetinen shettetpeı jáne balalar úıi tárbıelenýshileriniń shottaryna qol jetkizýin shektemegen.
Sottalýshylar óz kinásin moıyndady. Qazirgi ýaqytta 10 mıllıon teńgeden astam shyǵyn balalar úıi tárbıelenýshileriniń paıdasyna óteldi.
Sot 52,4 mıllıon teńge kólemindegi qalǵan somany jábirlenýshilerge qaıtarýdy mindettedi.
Sot úkimimen M.Mustafına QR QK 189-baby (Asa iri mólsherde senip tapsyrylǵan bóten múlikti ıemdený nemese ysyrap etý) boıynsha kináli dep tanylyp, 7 jyl bas bostandyǵynan jáne 10 jyl merzimge pedagogıkalyq qyzmetpen aınalysý quqyǵynan aıyrý túrinde jaza taǵaıyndaldy.
G.Qondybaeva QR QK 371-baby (salǵyrttyq) boıynsha kináli dep tanyldy. Memlekettik laýazymda qyzmet atqarý quqyǵynan aıyra otyryp, oǵan 2,7 mıllıon teńge somasynda aıyppul taǵaıyndaldy.
«Adyrna» ulttyq portaly
