«Úmit artqandar alǵashqy aınalymnan ushty»: Bas bapker biraz boksshynyń ulttyq quramadan ketetinin aıtty

7067
Adyrna.kz Telegram

Ulttyq quramanyń bas bapkeri Ǵalymbek Kenjebaev Tokıo Olımpıadasyn qorytyndylap, aldaǵy josparlarymen bólisti, dep habarlaıdy «Adyrna» ulttyq portaly «Habar 24»-ke silteme jasap.

Onyń aıtýynsha, elde myqty rezerv bar. Endi solardyń áleýetin paıdalaný kerek. Al, quramada júrgen jigitterdiń keıbiri kásipqoı mansabyn aıaqtaıdy.

«Keıbiri kásipqoı boksqa aýysady. Ulttyq qurama jazǵy oıyndardan 1 altyn, 1 kúmis jáne 1 qola alýdy josparlady. Biraq úmit artqan jigitter alǵashqy aınalymdardan ushty. Osy turǵyda tóreshilerdiń jumysyna da biraz suraq bar. Sebebi, olar kompıýterlik tehnologııa boıynsha kezdeısoq tańdaldy. Keıbiri daıyndyqsyz keldi. Tipti aǵylshyn tilin bilmeıtinderi de bar. Sonyń saldarynan ártúrli keleńsizdikter oryn alyp jatty. Qalaı bolǵanda da endi esti jınap, qatelikterdi túzep, aldaǵy Olımpıadaǵa durystap daıyndalý kerek», - dedi bas bapker.

«Adyrna» ulttyq portaly

Pikirler