Búgin oblys ákimi Mahambet Dosmuhambetovtiń tóraǵalyǵymen ótken keńeste óńirdegi epıdemıologııalyq ahýal men vakınalaý jumystarynyń barysy qaraldy.
Atyraý oblysy boıynsha Sanıtarlyq – epıdemıologııalyq baqylaý departamentiniń basshysy Mádenıet Tanaýov qańtar – maýsym aılarynda koronavırýs ınfekııasyn juqtyrǵandardyń táýliktik kórsetkishi 87 adam bolsa, shildede bul kórsetkish 150-ge jetkenin málimdedi. Onyń sózinshe, osy aıda koronavırýs ınfekııasy anyqtalǵandardyń 53 paıyzy qaterli dertti toı-tomalaq, eske alý is-sharalary, saýda úıleri, bazarlar, qoǵamdyq tamaqtaný oryndary men túngi klýbtardan juqtyrǵan. Al qalǵan 25,9% naýqaspen jaqyn qarym – qatynasta bolǵandar, 11,7% qoǵamdyq kólikterde shaldyqqan.
Turǵyndar sanıtarııalyq saqtyq sharalaryna nemquraıly qaraı bastaǵan. Betperde taqpaý men áleýmettik dıstanııany saqtamaý da epıdemıologııalyq ahýalǵa keri áser etýde. «Aýrýdyń ósýiniń taǵy bir sebebi – jańa shtammnyń taralýy. Almatyǵa jiberilgen 43 synamanyń 18-nen «Delta» shtammy anyqtaldy. Onyń juǵý deńgeıi eki ese joǵary jáne onymen aýrý barysy aýyr formada ótedi»,- dedi Mádenıet Tanaýov.
Epıdemıologııalyq ahýaldyń turaqsyzdyǵyn qatań eskertken óńir basshysy Mahambet Dosmuhambetov ásirese, densaýlyq saqtaý basqarmasy basshylyǵyna kez kelgen jaǵdaıǵa daıyn bolý kerektigin tapsyrdy.
Oblystyq densaýlyq saqtaý basqarmasy basshysynyń mindetin atqarýshy Qaısar Abdýalıevtiń aıtýynsha, koronavırýs juqtyrǵandardyń ósýine baılanysty sońǵy bir aptada Atyraý qalasynda rezervten 330 ınfekııalyq tósek oryn iske qosylǵan. «Aýyrǵandar sany ósip jatsa №2 oblystyq aýrýhanadaǵy 30 oryndyq ishek ınfekııasy bólimin basqa jerge aýystyryp, ınfekııalyq staıonarǵa aınaldyramyz. Oblystyq aýrýhananyń jańa korpýsynan 200 oryn daıyndap otyrmyz, jaǵdaı ýshyǵyp jatsa ony túgeldeı ınfekııalyq staıonar qylamyz. Sondaı-aq, temir jol aýrýhanasynan da oryndar daıyndaımyz»,-dedi Q.Abdýalıev.
Ol sondaı-aq halyqty vakınalaý jumystaryn da baıandady. Búginge deıin óńirge 141 200 doza vakına jetkizilgen. 2021 jyldyń 1-shi aqpany men 7-shildesi aralyǵynda ekpe saldyrǵan adamdar sany 104 722-ge jetken.
Basym vakınalaýǵa jatatyn kontıngentter arasynda eń joǵarǵy kórsetkishti áskerı bólimderdiń sarbazdaryn qosa alǵanda quqyq qorǵaý organdarynyń qyzmetkerleri kórsetip otyr – 163%.
Al, eń tómengi kórsetkish sozylmaly aýrýlary bar naýqastar – 11%, stýdentter – 11,4%, jáne pedagogtar – 50% arasynda baıqalady.
Qaısar Abdýalıevtiń sózinshe, halyqtyń vakınamen qamtylýyn arttyrý úshin túrli yntalandyrý is-sharalary qolǵa alynǵan.
Budan bólek, óńir basshysy vakınalaý jumystary boıynsha aýdandardyń ákimderi men oqý oryndarynyń basshylaryn da tyńdady.
Jıyn sońynda oblys ákimi tıisti salalar basshylaryna óńirdegi epıdemıologııalyq ahýaldy kúndelikti baqylaýda ustaýdy tapsyrdy. Sonymen qatar, halyqty jappaı vakınalaý jumystaryn kúsheıtýdi, monıtorıngtik toptardyń qyzmeti men aqparattyq – túsindirý jumystaryn jandandyrýdy júktedi.
Jıynǵa oblys ákiminiń orynbasarlary, basqarmalar men joǵary oqý oryndarynyń basshylary jáne selektorlyq rejımde aýdan ákimderi qatysty.
