Atyraýda Astana kúni merekesi qarsańynda áleýmettik sala mamandaryna baspana kilti berilip, birqatar nysan ashyldy.
Atyraý oblysynyń basshysy Mahambet Dosmuhambetov bilim, mádenıet jáne medıına salasynda jumys isteıtin bir top jas mamanǵa qyzmettik baspana kiltin tabys etti.
«Bıyl el bolyp Táýelsizdigimizdiń 30 jyldyǵyn keń aýqymda atap ótýdemiz. Osy kezeńde memleketimiz álemdik deńgeıde kóptegen salada aıtýly jetistikterge jetti. Sonyń jarqyn kórinisiniń biri – Arqa tósinde boı túzegen arý astanamyz. Eldigimiz ben jasampaz isterimizdiń sımvolyna aınalǵan ásem shahar - búginde halqymyzdyń maqtanyshy»,-dedi aımaq basshysy.
Sondaı-aq ol jýyrda halyqaralyq teatr festıvalderinde Túrkııa men Reseıde eki birdeı bas júldege ıe bolǵan Mahambet atyndaǵy akademııalyq qazaq drama teatry ónerpazdaryn da marapattady.
Sonymen qatar, oblys basshysy Atyraý qalasynda jańadan salynǵan kolledj jataqhanasynyń tusaýyn kesti. 5 qabatty, 2 bloktan turatyn, 150 oryndyq jataqhana zamanaýı úlgide jasaqtalǵan.
Budan soń óńir basshysy kúrdeli jóndeýden ótken Ortalyq júzý basseıniniń ashylý saltanatyna qatysty. «Munda endi myńǵa jýyq jasóspirim men turǵyn sý sporty túrlerimen tegin shuǵyldanady. Bizdiń basty maqsatymyz da — azamattarymyzdyń salaýatty ómir saltyn ustanýǵa jaǵdaı jasaý»,-dedi oblys ákimi.
Aıta keterligi, memlekettik tapsyrys negizinde 600-den astam bala halyqaralyq standartqa saı júzý basseıninde túrli sekııalarǵa qatysady. Kóp balaly, tolyq emes otbasy balalaryna da jeńildikter qarastyrylǵan.
