MUHTAR TAIJAN: Ulttyq sportty olıgarhat qolynan alý kerek

2672
Adyrna.kz Telegram

Sizge, Danııar Abýlǵazın ekeýińizge olımpıadalyq komıtetti basqarý ne kerek? Meniń bilýimshe, sizde barlyǵy bar. Bankter men jerler, zaýyttar men kemeler... Endeshe, Ulttyq sport úshin halyq aldynda jaýapkershilik arqalaý ne kerek?

Ulttyq olımpıada komıtetiniń tizginin el ishinde abyroıy bar sportshylarǵa, Turlyhanov, Ybyraıymov, Rypakova jáne basqalarǵa tabystap bergenińiz durys! Sportqa mańdaı teri sińgen naǵyz mamandarǵa, sporttaǵy árbir jeńistiń tátti dámi men jeńilistiń ay ókinishi ne ekenin shyn máninde biletin adamdarǵa berińiz!

Sport federaııalarynyń basshylyǵynan ózińizden kishi olıgarhtardy da alyńyz. Oryndaryńyzdy kásibı sportshylarǵa berińizder. Sport salasymen - Olımpıada oıyndary ómiriniń mánine aınalǵan adamdar aınalyssyn. Óıtkeni, Sizder úshin bul – jaı ǵana kezekti bir kóńil kóterýge sebep bolatyn basqosý sekildi ǵana.

Men ózimizdi kórshilerimizben salystyrmaımyn. Qyrǵyz, ózbek, túrkimen baýyrlarymyz úshin shyn qýanyshtymyn. Óıtkeni, olar ádil jeńdi. Al biz oısyraı utyldyq. Biz óz-ózimizdi salystyrýymyz kerek. Ras, biz álemniń eń úzdik degen otyzdyǵyna 3-4 altyn júldemen senimdi túrde enip júrgen edik. Al bul joly 97 sportshynyń tek segizi ǵana medalǵa qol jetkizdi. Sóıtip, múmkin bolǵan 93 orynnan 83-shi oryndy aldyq. Bul ulttyq deńgeıdegi qorlaý. Asyryp ne kemitip aıtqandyq emes...

Boks týraly... Buryn KSRO quramynda 10 sportshy bolsa, sonyń altaýy Qazaqstannan edi. Biz Qazaqstan-Kýba bolyp, jekelegen jarystar ótkizetin edik. Al endi qazir, bapkerler Qazaqstannan ketip, ózge elder úshin Olımpıada chempıondaryn daıarlap jatyr. Bul naǵyz masqara!

Biz memleket retinde massaj úshin 1 mlrd teńge tóleıdi ekenbiz. Bul shamamen 2,5 mln dollar. Bundaı jaǵdaıda, Olımpıada chempıony (250 myń dollar) bolǵannan, massajıst bolǵan artyq qoı... Taǵy da urlyq pa?

Olıgarhatqa memlekettik isti senip tapsyrýǵa bolmaıtynyna eldiń taǵy bir márte kózi jetti. Temir jol salasyn talqan etti. Aýyl sharýashylyǵynda latıfýndııa ornatty. Naqty banktik júıeni joıdy. Endi mine, memlekettiń (salyq tóleýshilerdiń aqshasy) Ulttyq sportqa dep bólgen aqshasyn da talan-tarajǵa sala bastady. Bul da óz kezeginde olıgarhattyń qandaı da bir iske qolynyń ushy tıese, sol istiń kúl-talqany shyǵatynyn dáleldep otyr. Demek, Ulttyq sportty olıgarhattyń qolynan qaıtaryp alyp, naǵyz kásibı, otanshyl sportshylar men bapkerlerge berý kerek!

Túıin. Dese de, bizdiń 97 sportshymyz úshin, ásirese, 8 qola júldeger úshin shyn qýanyshtymyn.

Pikirler