Óz basym áýelden Covid-19-dyń aldyn alýshy kez kelgen sharanyń jaqtasymyn. Dese de, qaterli dertke qarsy túrli vakınalar shyqqanda reseılik «Sputnik V»-ny tıisti laboratorııalyq tájirıbeden, sertıfıkaııadan, basqa da qajetti synaqtan ótpegeni úshin birden-bir synaǵan men boldym. Alǵa tartqan dáıegim bir - Qazaqstan salyq tóleýshileri, ıaǵnı siz ben bizde álemdik usynymda bar túgel vakınalar arasynda tańdaý bolsyn.
Ókinishke qaraı, bizdiń úkimet tek kúmándi reseılik vakınaǵa qadaldy da qaldy. Bunyń májbúrli qurbanyna men de aınaldym. Ózge balama bolmaǵan soń álgi Spýtnıkti búkil otbasymmen baryp qabyldadyq. Paıdasy bolǵan da shyǵar, biraq egilgenge bir aı ótpeı ózim Kovıdke shaldyqtym. Óıtip-búıtip odan da óttik. Kúni-túni janymnan shyqpaı baryn jasaǵan jubaıyma rahmet. Másele mynada ǵoı. Joǵaryda aıtqanymdaı áý bastan úkimet nelikten álgi Spýtnıkke ǵana basymdyq berdi? Qorshaǵan álem tutastaı Reseılik dáriden bas tartqanyn nelikten elemedi? Basqa elder áldeqaıda myqty dárýmendi áldeqaıda tómen baǵamen, tipti tegin usynǵanda bizdiń bılik ne sebepti kúmándi reseılik ónimge baılanyp qaldy? Osyndaı jaýapsyz suraq kóp. Tek Densaýlyq saqtaý salasyna ǵana baılanysty emes. Aıtalyq, atyshýly Kedendik odaq aıasynda qazaq balasy nelikten japonnyń, nemistiń, káristiń sapaly kóliginiń ornyna Reseıdiń «Lada» syndy temir-tersegin satyp alýǵa májbúr? Iá bolmasa jarty Qazaqstandy ýlap jatqan Reseı qaramaǵyndaǵy Baıqońyrdy nege ózimiz basqarýǵa alyp. osynda tabıǵatqa oń kózben qaraıtyn halyqaralyq joba qurmaımyz? Osyndaı negeler jetip artylady. Al endi máseleniń sheshimin bılikte " orys áleminiń" myqty lobbıi qadalaǵanda qazaq utyla beretini sózsiz. Ókinishtisi - bir-birimen jaǵa jyrtysqan qazaqtyń bunymen sharýasy da ýaqyty joq. Olaı bolsa nesine jylaı beremiz? Enshimiz osy..
