Almatydaǧy Qūrlyq äskerlerı äskeri institutynda kursant oq jaraqatyn alǧan dep habarlaidy "Adyrna" ūlttyq portaly "Euraziia" bırınşı arnasyna sılteme jasap.
Diversiiaǧa qarsy qauıpsızdık sabaqtary barysynda kursanttardyŋ bırı qarudy qoldanu kezınde qauıpsızdık şaralaryn būzǧan. Sonyŋ saldarynan abaisyzda atylyp ketken oq ekınşısınıŋ aiaǧyna tigen.
Qazır jedel türde qalalyq äskeri klinikalyq gospitalge jetkızılgen zardap şeguşıge barlyq medisinalyq kömek körsetılude.Al Qorǧanys ministrlıgı kursanttyŋ ömırıne eşqandai qauıp tönıp tūrmaǧanyn aitqan. "Kursanttardyŋ bırı qarudy qoldanu kezındegı qauıpsızdık şaralaryn būzu sebebınen erıksız avtomatty türde oq atyldy. Kursanttyŋ densaulyǧyna eşqandai qauıp joq. Oqiǧadan ata-analary habardar. Qazırgı uaqytta atalǧan faktı boiynşa tekserıs jürgızılude", — deidı Qorǧanys ministrlıgı aqparat jäne kommunikasiialar departamentınıŋ ökılı Ǧani Nüsıpov.
"Adyrna" ūlttyq portaly.
