Qytaı bıligi Dúnıejúzilik densaýlyq saqtaý uıymymen koronavırýs tergeýiniń ekinshi kezeńinde yntymaqtastyqtan bas tartty, dep habarlaıdy «Adyrna» ulttyq portaly Habar 24-ke silteme jasap.
Úkimet vırýstyń Qytaıdan shyqty degen nusqasymen kelispeıdi. Pekın resmı túrde DDCU basshysy Tedros Adhanom Gebresıes Batystyń saıası yqpalyna AQSh-tyń usynysy boıynsha tústi dep sanaıdy. Ázirge uıym vırýstyń paıda bolý sebepterin anyqtap jatyr. Al álemdik qaýymdastyq koronavırýspen kúresti jalǵastyrdy.
Qytaı bıligi COVID-19-dyń shyǵý tegi týraly jańa tergeýge qarsylyq bildirdi. Bul týraly Ulttyq densaýlyq saqtaý komıteti basshysynyń orynbasary zen Isın aıtty. DDSU-nyń «qytaı zerthanasynda vırýstyń shyǵýy múmkin» degen nusqasyna komıtet «saıası pozıııa jáne ǵylymǵa degen menmendik» dep baǵa bergen bolatyn.
«Keıbir jaǵdaılarda DDCU koronavırýstyń shyǵý tegi týraly tergeýdiń kelesi kezeńine arnalǵan jospary aqylǵa syımaıdy jáne ǵylymǵa qaıshy. Biz mundaı jospardy qabyldaı almaımyz», - deıdi Qytaıdyń ulttyq densaýlyq saqtaý komıteti basshysynyń orynbasary zen Insın.
Aıta keteıik, mamyrda AQSh prezıdenti Djo Baıden arnaıy qyzmetkerler taǵaıyndap, olarǵa COVID-19 vırýsynyń paıda bolý sebepterin anyqtaýdy tapsyrǵan edi. Bastamany DDCU basshysy da qoldady. Óz kezeginde Qytaı tarapy amerıkalyq barlaý ofıerleriniń bul máselege qatysýyn «kúlkili» dep tapty.
«Ýhan zerthanasyndaǵy vırýstyń paıda bolýyna qatysty bizdiń birlesken sarapshylarymyz egjeı-tegjeıli zertteý men birlesken tergeý júrgizip, bul múmkin emes degen qorytyndy shyǵardy», – deıdi DDSU Qytaı sarapshylar tobynyń jetekshisi Lıan Vannıan.
"Adyrna" ulttyq portaly
