23 shilde kúni ál-Farabı atyndaǵy Qazaq ulttyq ýnıversıteti Fılosofııa jáne saıasattaný fakýlteti dintaný jáne mádenıettaný kafedrasynyń professory, fılosofııa ǵylymynyń doktory, kórnekti ǵalym, ulaǵatty ustaz Rysbekova Shámshııa Saıdǵalıqyzy baqılyq boldy.
Rysbekova Shámshııa Saıdǵalıqyzy ál-Farabı atyndaǵy Qazaq ulttyq ýnıversıteti Fılosofııa jáne saıasattaný fakýltetiniń túlegi. 1993 jyly Qazaq fılosofııasynyń tarıhy bóliminde kishi ǵylymı qyzmetkeri bolyp, ǵylymdaǵy eńbek jolyn bastady, Fılosofııa jáne saıasattaný ınstıtýtynyń aspırantýrasynda oqyp, ǵylymı zertteýlerin jalǵastyrdy. Aspırantýrany aıaqtaǵan soń Basqarý jáne ekonomıka akademııasynda «Fılosofııa jáne tilder» kafedrasynyń «Fılosofııa» bóliminiń meńgerýshisi qyzmetin atqardy. Fılosofııa ǵylymy salasynan «Abaı fılosofııasyndaǵy adamnyń máni men maqsaty» taqyrybynda kandıdattyq, «Qazirgi dinı fılosofııadaǵy antropologııalyq dıskýrs» taqyrybynda doktorlyq dıssertaııa jumysyn tabysty qorǵady. 2003 jyldan bastap qaıtys bolǵanǵa deıin ál-Farabı atyndaǵy Qazaq ulttyq ýnıversıteti fılosofııa jáne ǵylym ádisnamasy kafedrasynda (keıinnen dintaný jáne mádenıettaný kafedrasy) jumys istedi.
Rysbekova Shámshııa Saıdǵalıqyzy 100-den astam ǵylymı eńbektiń, 3 monografııa jáne 15 oqý quralynyń avtory. Avtordyń halyqaralyq reıtıngisi joǵary ǵylymı jýrnaldarda (Web of Science, Thomson Reuters) 15-ke jýyq ǵylymı maqalasy jarııalanǵan. Sonymen birge otandyq jáne sheteldik ǵalymdardyń nazaryn ózine aýdartqan «Zamanaýı Qazaqstannyń saıası proesi konteksindegi ıslam» (Parıj, 2012 j.), «XIX ǵasyr men XX ǵasyrdyń basynda ómir súrgen qazaq oıshyldarynyń adam bolmysyn baıyptaý turǵysyndaǵy murasy men mırasy» (2016 j.), «Konfessııalardyń qaýipsizdigi memlekettik-konfessııalyq saıasattyń negizgi mindeti» (2016 j.), «Oıý-órnek etnostardyń beıverbaldy kommýnıkaııasynyń aıryqsha belgisi» (2016 j.), «Rıtýal jáne dinı biregeılikti konstrýkııalaý» (2016 j.), «Qazaq aǵartýshylarynyń patsha ókimetiniń dinı ekspanııasyna qarsy kúresi» (2015 j.), «Contours of attitude of adolescents towards religion and religions identification in Kazakhstan» (2016 j.), «Politikal aspects of a missionary aktimty of neoprotestant organizations» (2016 j.), «Tolerance issue in Kazakh Sulture» (2016 j.), «Cemiotik Analysis of the Yurt, Clothing, and Food Eating Habits in Kazakh Traditional Cultures» (2016 j.) taqyrybyndaǵy mazmundy zertteýleri jaryq kórdi. Bilikti ǵalym sondaı-aq irgeli granttyq jobalar aıasynda birneshe ǵylymı zertteýmen aınalysyp, otandyq gýmanıtarlyq ǵylym salasyna qomaqty úles qosty.
Shámshııa Saıdǵalıqyzy gýmanıtarlyq ǵylym jolyndaǵy tuǵyrly izdenisteri, bolmysy bólek ustazdyq kelbetimen fakýltet pen kafedranyń professor-oqytýshylary men shákirtteri arasynda bedeldi, syıly ǵalym-ustazdardyń biri boldy. Adamshylyq qasıeti, ǵalymdyq tulǵasymen, mazmundy, qyzyqty dáristerimen shákirtteriniń jan dúnıesin baýrap alatyn ǵalymnyń jarqyn beınesi eshqashan umytylmaıdy.
Ál-Farabı atyndaǵy Qazaq ulttyq ýnıversıteti Fılosofııa jáne saıasattaný fakýltetiniń ujymy Rysbekova Shámshııa Saıdǵalıqyzynyń orny tolmas qazasyna baılanysty marqumnyń otbasy men týystaryna qaıǵyryp, kóńil aıtady.
