Búgin QR Prezıdenti janyndaǵy Ortalyq kommýnıkaııalar qyzmetinde halyqaralyq «Slavıanskıı bazar-2021» óner festıvaliniń gran-prı júldesiniń ıegeri Rýhııa Baıdúkenovanyń qatysýymen baspasóz otyrysy ótti.
XXX-shy dástúrli Halyqaralyq óner baıqaýy bıyl 14-19-shy shilde aralyǵynda Belorýs eliniń Vıtebsk qalasynda ótti. Qazaqstandyq delegaııa dúbirli dodadan elge búgin túnde oraldy.
Qazaqstan Respýblıkasynyń Mádenıet jáne sport mınıstrligi Rýhııa Baıdúkenovanyń halyqaralyq arenada Qazaqstannyń laıyqty ókili bolýy úshin qoldaý kórsetse, «Habar» Agenttigi «Slavıan bazary - 2021» Halyqaralyq óner festıvalin taratý quqyǵyna ıe bas aqparattyq seriktesi boldy.
«Qazaq elin bul jeńispen quttyqtaımyn. Biz aqparattyq demeýshiligimizdi festıvaldiń ashylý, jabylý saltanatty rásimderin kórsetý arqyly, «Habar», «Habar 24» arnalaryndaǵy jańalyqtarda halyqqa Rýhııanyń jeńisi týraly aqparatty taratý arqyly barynsha qoldaý bildirýge tyrystyq. Elimizdiń jas talanttaryn «Habar» Agenttigi qashan da qoldap keledi»,- dedi «Habar» telearnasynyń dırektory Dınara Bısembına baspasóz otyrysynda.
30 eldiń ókilderi baq synasqan baıqaýdyń qazylar alqasy men uıymdastyrýshylary, bıylǵy qatysýshylar arasynda básekelestiktiń asa joǵary bolǵanyn alǵa tartady. Ekinshi týrda ánshiler slavıan ánderin Belarýs eliniń bas dırıjeri Vıtalıı Kýlbakovtyń basshylyǵymen oryndaǵan.
Birinshi konkýrstyq kúnnen keıin Rýhııa Baıdúkenova 70 baldan 69 upaı jınady. Qazylar alqasynyń reseılik múshesi Sergeı Penkın qazaqstandyq oryndaýshyǵa 9 upaı berse, qalǵan barlyq múshesi 10 upaıdan bergen.
«Qazaq eline úlken raqmet! Meniń armanym oryndalyp jatyr. Jeńisimdi halyqpen birge toılaý - bala kúngi armanym edi. Bul meniń ǵana emes, búkil Qazaqstannyń jeńisi dep bilemin»,-dedi «Slavıan bazary-2021» halyqaralyq óner festıvaliniń bas júldegeri Rýhııa Baıdúkenova.
Tartysty ótken baıqaýda bas júldeni qazaq qyzy Rýhııa Baıdúkenova jeńip aldy. Birinshi oryn serb qyzy Irına Arsenıevıchke buıyrsa, ekinshi oryndy ýkraınalyq Renata Shtıfel men Danııl Myshkove aldy. Úzdik úshtikti slovak Ivanna men Ázirbaıjan ókili Tofıek Gadjıev qorytyndylaǵan. Al, baıqaýdyń arnaıy syılyǵy – «Slavıan úmitin» serbııalyq Irına Arsıenevıchke buıyrdy.
Aıta ketý kerek, bıyl qazylar alqasynyń músheleri arasynda Dımash Qudaıbergen de boldy, ol 2015 jyly «Slavıan bazarynyń» bas júldesin jeńip alǵan bolatyn.
22 jasar Rýhııa Baıdúkenova Taldyqorǵan qalasynyń týmasy. Ol bala kezinen vokalmen aınalysqan. Qazirgi tańda ol Qazaq ulttyq óner ýnıversıtetiniń «estradalyq vokal» mamandyǵynyń úshinshi kýrs stýdenti.Jas ánshi 2014 jyly «Jas qanat» respýblıkalyq jas oryndaýshylar baıqaýynyń fınalısti atansa, 2015 jyly «Zvezdy Evrazıı» (Eýrazııa juldyzdary) jáne «Golos Astany» (Astana daýysy) halyqaralyq baıqaýlarynda birinshi oryndy ıelengen. Daýys dıapazonynyń keńdigi bes oktavany quraıdy.
